ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສະພາຕ່ຳອາເມຣິກາ ບໍ່ເອົາຫົວຊານຳການຄັດຄ້ານຢ່າງຮຸນແຮງຂອງຝ່າຍຈີນ, ໄດ້ຜ່ານການຮັບຮອງຮ່າງກົດໝາຍວ່າດ້ວຍກ່ຽວກັບນະໂຍບາຍສິດທິມະນຸດອຸຍເກີປີ 2019, ປະຊາຄົມໂລກເຫັນວ່າ, ການກະທຳດັ່ງກ່າວຂອງ ອາເມຣິກາ ໄດ້ແຊກແຊງວຽກງານພາຍໃນຂອງຈີນຢ່າງໜັກໜ່ວງ, ໃສ່ຮ້າຍປ້າຍສີຕໍ່ສະພາບສິດທິມະນຸດຢູ່ເຂດຊິ່ນຈ່ຽງ, ໃສ່ຮ້າຍປ້າຍສີຄວາມພະຍາຍາມຂອງຈີນໃນການຕ້ານການກໍ່ການຮ້າຍແລະກຳຈັດທ່າອ່ຽງການຫັນເປັນຫົວຮຸນແຮງ, ເຊິ່ງໄດ້ເຜີຍໃຫ້ເຫັນ 2 ມາດຕະຖານກ່ຽວກັບບັນຫາຕ້ານການກໍ່ການຮ້າຍຂອງອາເມຣິກາ.
ກະຊວງການຕ່າງປະເທດຊີຣີໄດ້ອອກຖະແຫຼງການ, ກ່າວປະນາມສະພາຕ່ຳອາເມຣິກາທີ່ຜ່ານການຮັບຮອງກົດໝາຍກ່ຽວກັບເຂດຊິ່ນຈ່ຽງຈີນ ເຊິ່ງເປັນການຝ່າຝືນກົດໝາຍສາກົນ, ແລະກໍ່ເປັນການແຊກແຊງວຽກງານພາຍໃນຂອງຈີນຢ່າງບັງອາດ.
ກະຊວງການຕ່າງປະເທດອີຣານອອກຖະແຫຼງການໂດຍຊີ້ອອກວ່າ, ການແຊກແຊງວຽກງານພາຍໃນຂອງປະເທດອື່ນ ໄດ້ກາຍເປັນການກະທຳຕາມປົກກະຕິຂອງອາເມຣິກາແລ້ວ.
ທ່ານບາມບາງ ຊູໂຢໂນ, ປະທານສູນຄົ້ນຄວ້າການປະດິດສ້າງອາຊີເຊິ່ງເປັນຄັງປັນຍາອິນໂດເນເຊຍ, ປະທານກອງທຶນນານຢາງອາຊຽນອິນໂດເນເຊຍກ່າວວ່າ, ຮ່າງກົດໝາຍກ່ຽວກັບເຂດຊິ່ນຈ່ຽງຈີນທີ່ສະພາຕ່ຳອາເມລິກາຜ່ານການຮັບຮອງນັ້ນ ແມ່ນບໍ່ເອົາຫົວຊານຳຄວາມເປັນຈິງແລະໃສ່ຮ້າຍປ້າຍສີຢ່າງຮ້າຍແຮງ, ແມ່ນຕົວຢ່າງຂອງລັດທິເຈົ້າອຳນາດແລະລັດທິແຊກແຊງຢ່າງຈະແຈ້ງ.
ຄຳເຫັນ
0