ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ9ທັນວານີ້ ທ່ານເຢີນຮົງປີ່ນ ຜູ້ຊ່ວຍລັດຖະມົນຕີກະຊວງການຄ້າຈີນກ່າວຢູ່ນະຄອນຫຼວງປັກກິ່ງວ່າ:ໄດ້ໃຫ້ຄວາມສຳຄັນຕໍ່ການປັບປຸງສະພາບແວດລ້ອມການດຳເນີນທຸລະກິດ, ລົງເລິກການປະຕິຮູບຢ່າງບໍ່ຢຸດຢັ້ງ, ລະດົມພະລັງຊີວິດ ແລະຄວາມສາມາດບົ່ມຊ້ອນຂອງລະບຽບການດ້ວຍການປະດິດສ້າງ, ຊອກໃຫ້ເຫັນລະບົບລະບຽບການຄຸ້ມຄອງແລະນະໂຍບາຍແບບໃໝ່,ສົ່ງເສີມໃຫ້ຕ່າງປະເທດລົງທຶນໃນອຸດສາຫະກຳແລະຂົງເຂດທີ່ຈະເລີນໃໝ່, ຈະສືບຕໍ່ສ້າງສະພາບແວດລ້ອມການດຳເນີນທຸລະກິດແລະການຮັບປະກັນດ້ານລະບຽບການທີ່ດີໃຫ້ແກ່ວິສາຫະກິດທຶນຕ່າງປະເທດ.
ໃນປີ2019ນີ້ ການຄ້າກັບຕ່າງປະເທດຂອງຈີນຍັງໄດ້ເຕີບໂຕທ່າມກາງສະພາບການທີ່ບໍ່ແນ່ນອນ. ຕາມສະຖິຕິໃໝ່ທີ່ທາງການເປີດເຜີຍ,ນັບແຕ່ເດືອນມັງກອນຮອດເດືອນພະຈິກປີນີ້,ຍອດມູນຄ່າການຄ້າຂາເຂົ້າຂາອອກຂອງຈີນບັນລຸເຖິງ 28.500 ຕື້ຢວນ,ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍເຖິງ2,4%, ຄາດວ່າ ຍອດມູນຄ່າທາງການຄ້າໝົດປີຈະບັນລຸເຖິງ3ໝື່ນຕື້ຢວນ. ຄວາມໄວຂອງການເຕີບໂຕໃນການຄ້າສົ່ງອອກຂອງຈີນສູງກວ່າລະດັບສະເລ່ຍຂອງກຸ່ມເສດຖະກິດຕົ້ນຕໍໃນທົ່ວໂລກ.
ຄຳເຫັນ
0