ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ທັນວານີ້, ທ່ານດິມິຕຣີ ເມດເວເດຟ ນາຍົກລັດຖະມົນຕີຣັດເຊຍກ່າວວ່າ, ອົງການຈັດຕັ້ງທີ່ກ່ຽວຂ້ອງຂອງຣັດເຊຍຄວນຍື່ນອຸທອນຕໍ່ສານກິລາສາກົນຍ້ອນອົງການຕໍ່ຕ້ານສານກະຕຸ້ນສາກົນຫຼື WADA ຕົກລົງຂວ້ຳບາດຣັດເຊຍ.
ວັນທີ 9 ທັນວານີ້, ຄະນະບໍລິຫານງານ WADA ໄດ້ປ່ອນບັດຜ່ານການຮັບຮອງຂໍ້ຕົກລົງຫຼາຍຂໍ້ກ່ຽວກັບການຂວ້ຳບາດຣັດເຊຍ, ລວມທັງຍົກເລີກຖານະເປັນສະມາຊິກ WADA ຂອງອົງການຕໍ່ຕ້ານສານກະຕຸ້ນຣັດເຊຍຫຼື RUSADA, ຫ້າມບໍ່ໃຫ້ນັກກິລາຣັດເຊຍເຂົ້າຮ່ວມການແຂ່ງຂັນສາກົນຕ່າງໆເຊັ່ນ: ງານກິລາໂອລິມປິກ, ການແຂ່ງຂັນລະດັບໂລກ, ຫ້າມບໍ່ໃຫ້ຣັດເຊຍຈັດຫຼືຮ້ອງຂໍຈັດການແຂ່ງຂັນລະດັບໂລກໃນໄລຍະ 4 ປີແລະອື່ນໆ. ສ່ວນນັກກິລາຣັດເຊຍທີ່ບໍ່ເຄີຍໃຊ້ສານກະຕຸ້ນຍັງສາມາດເຂົ້າຮ່ວມການແຂ່ງຂັນຕ່າງໆພາຍໃຕ້ສະພາບການທີ່ບໍ່ສາມາດຕິດທຸງຊາດແລະເຄື່ອງໝາຍກ່ຽວພັນເຖິງຣັດເຊຍ. RUSADA ສາມາດຍື່ນອຸທອນຕໍ່ WADA ໃນໄລຍະ 21 ວັນ, ແລ້ວສານກິລາສາກົນຈະຕັດສິນຄຳອຸທອນດັ່ງກ່າວ.
ຄຳເຫັນ
0