ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ9ທັນວານີ້,ທ່ານອະພິສິດ ເວດຊະພຊິວະ ອະດີດນາຍົກລັດຖະມົນຕີໄທ,ອະດີດຫົວໜ້າພັກປະຊາທິປະໄຕໄດ້ໃຫ້ສຳພາດຕໍ່ນັກຂ່າວກ່ຽວກັບອາເມລິກາຜ່ານຮ່າງກົດໝາຍກ່ຽວກັບຮົງກົງຢູ່ນະຄອນຫຼວງບາງກອກ ໂດຍກ່າວວ່າ,ການກະທຳຂອງອາເມຣິກາດັ່ງກ່າວເປັນການເຂົ້າແຊກແຊງວຽກງານພາຍໃນຂອງຈີນ,ອາເມລິກາສ້າງກົດໝາຍເອົາເອງ ມັນບໍ່ມີຜົນບັງຄັບໃຊ້ຕໍ່ປະເທດອື່ນ. ໄທສະໜັບສະໜູນຄວາມຕັດສິນໃຈຂອງລັດຖະບານຈີນໃນການປົກປັກຮັກສາຄວາມຈະເລີນຮຸ່ງເຮືອງແລະສະເຖຍລະພາບຂອງຮົງກົງ.
ທ່ານອະພິສິດເຫັນວ່າ,ບັນຫາຮົງກົງສະຫຼັບຊັບຊ້ອນຫຼາຍ,ຢູ່ຫຼາຍປະເທດແລະເຂດແຄວ້ນກໍໄດ້ຜະເຊີນໜ້າກັບບັນຫາທີ່ຄ້າຍຄືກັນ. ຢູ່ໄທກໍເຄີຍເກີດເຫດການຄ້າຍຄືກັນຫຼາຍເທື່ອ,ໃນຖານະເປັນອະດີດນາຍົກລັດຖະມົນຕີຕົນເຂົ້າໃຈດີຕໍ່ສະພາບການແລະຄວາມຫຍຸ້ງຍາກຂອງບັນຫາດັ່ງກ່າວ. ທ່ານເຫັນວ່າ ແນວທາງສຸດທ້າຍຂອງບັນຫາຮົງກົງແມ່ນຂຶ້ນກັບວ່າລັດຖະບານຈະໃຊ້ມາດຕະການແນວໃດບົນພຶ້ນຖານການຍຶດໝັ້ນຕາມຫຼັກການ.
ຄຳເຫັນ
0