ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ມັງກອນນີ້, ທ່ານມຸນແຈອິນ ປະທານາທິບໍດີ ສ.ເກົາຫຼີກ່າວວ່າ, ຈີນໄດ້ເສີມຂະຫຍາຍບົດບາດສຳຄັນໃນການແກ້ໄຂບັນຫານິວເຄຼຍແຫຼມເກົາຫຼີ ແລະ ຫວັງວ່າ, ສອງຝ່າຍຈະຊຸກຍູ້ໃຫ້ການພົວພັນ ສ.ເກົາຫຼີ-ຈີນຂະຫຍາຍຕົວຕື່ມອີກ.
ມື້ດຽວກັນ, ທ່ານມຸນແຈອິນໄດ້ເຂົ້າຮ່ວມກອງປະຊຸມຂ່າວໂອກາດປີໃໝ່ວຽນມາເຖິງ. ທ່ານກ່າວວ່າ, ບັນຫານິວເຄຼຍແຫຼມເກົາຫຼີຈະແກ້ໄຂໃນໄລຍະສັ້ນບໍ່ໄດ້, ຕ້ອງການໃຫ້ປະຊາຄົມໂລກຮ່ວມມືກັນ. ທ່ານກ່າວຕື່ມວ່າ, ຈີນໄດ້ເສີມຂະຫຍາຍບົດບາດສຳຄັນໃນດ້ານທີ່ກ່ຽວຂ້ອງ, ຫວັງວ່າ, ໃນອະນາຄົດ, ຈີນຈະສືບຕໍ່ໃຫ້ການຊ່ວຍເຫຼືອໃນການແກ້ໄຂບັນຫານິວເຄຼຍແຫຼມເກົາຫຼີ ແລະ ການສ້າງກົນໄກສັນຕິພາບຢູ່ແຫຼມເກົາຫຼີ.
ເມື່ອເວົ້າເຖິງການຮ່ວມມືຈີນ-ສ.ເກົາຫຼີ, ທ່ານມຸນແຈອິນກ່າວວ່າ, ປີ 2022 ແມ່ນປີລະນຶກການສ້າງຕັ້ງສາຍພົວພັນສ.ເກົາຫຼີ-ຈີນຄົບຮອບ 30 ປີ, ຫວັງວ່າສອງຝ່າຍຈະຊຸກຍູ້ການແລກປ່ຽນດ້ານວັດທະນະທຳໃນຫຼາຍຂົງເຂດ ແລະ ຫວັງວ່າ, ຈະຊຸກຍູ້ໃຫ້ການພົວພັນລະຫວ່າງສອງປະເທດຂະຫຍາຍຕົວຕື່ມອີກ.
ທ່ານມຸນແຈອິນກ່າວຕື່ມວ່າ: ທ່ານຈະພະຍາຍາມຊຸກຍູ້ໃຫ້ “ນະໂຍບາຍພາກໃຕ້ໃໝ່” ແລະ “ນະໂຍບາຍພາກເໜືອໃໝ່” ຂອງ ສ.ເກົາຫຼີ ເຊື່ອມຕໍ່ກັບຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”.
ຄຳເຫັນ
0