ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ອນທ່ານສີຈິ້ນຜິງ ປະທານປະເທດຈີນຈະເດີນທາງຢ້ຽມຢາມມຽນມາທາງລັດຖະກິດໃນໄວໆນີ້, ຟິມ “ນິທານສຸພາສິດທີ່ທ່ານສີຈິ້ນຜິງມັກ” ຕ່າງໆສະບັບພາສາມຽນມາໄດ້ຈັດພິທີເລີ່ມສາຍຢູ່ນະຄອນຢາງກຸ້ງປະເທດມຽນມາໃນວັນທີ 14 ມັງກອນນີ້, ຟິມດັ່ງກ່າວຈະເລີ່ມສາຍຢູ່ສະຖານີໂທລະພາບ Sky net ເຊິ່ງເປັນສະຖານີໂທລະພາບທຸລະກິດທີ່ມີຊື່ສຽງຂອງມຽນມາເລີ່ມແຕ່ມື້ດັ່ງກ່າວ.
ຟິມ “ນິທານສຸພາສິດທີ່ທ່ານທີ່ປະທານສີຈິ້ນຜິງມັກ” ຕ່າງໆແມ່ນຜະລິດໂດຍສະຖານີວິທະຍຸໂທລະພາບສູນກາງຈີນຫຼື CMG, ຟິມດັ່ງກ່າວໄດ້ຕັ້ງໃຈຄັດເລືອກເອົາສຸພາສິດແລະນິທານຈາກວັນນະຄະດີບູຮານທີ່ມີຊື່ສຽງຂອງຈີນທີ່ທ່ານສີຈິ້ນຜິງນຳໃຊ້ໃນເວລາກ່າວຄຳປາໄສ, ໃນບົດຄວາມແລະຄວາມເວົ້າ, ໄດ້ສະແດງໃຫ້ເຫັນວ່າທ່ານສີຈິ້ນຜິງເຂົ້າໃຈຕໍ່ວັດທະນະທຳທີ່ມີມູນເຊື້ອດີເດັ່ນຂອງຈີນໄດ້ຢ່າງເລິກເຊິ່ງແລະທັດສະນະຮ່ຳຮຽນຄັງປັນຍາດ້ານການປົກຄອງປະເທດແລະການຄຸ້ມຄອງລັດຈາກວັດທະນະທຳຈີນ. ກ່ອນໜ້ານີ້ຟິມດັ່ງກ່າວໄດ້ແປເປັນພາສາອັງກິດ, ພາສາຍີ່ປຸ່ນ, ພາສາແອັສປາຍ, ພາສາອີຕາລີ, ພາສາອິນເດຍ, ພາສາເນປານແລະພາສາອື່ນໆ, ໄດ້ຮັບຄວາມສົນໃຈແລະເສະແດງຄວາມເຫັນຢ່າງຫຼວງຫຼາຍ.
ໃນພິທີເລີ່ມສາຍຟິມດັ່ງກ່າວ, ຍັງໄດ້ຈັດພິທີເລີ່ມຈຳໜ່າຍປຶ້ມ “ນິທານສຸພາສິດທີ່ທ່ານສີຈິ້ນຜິງມັກ” ສະບັບພາສາມາເລເຊຍທີ່ CMG ຮັບຜິດຊອບແປແລະຮຽບຮຽງ.
ຄຳເຫັນ
0