ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກະຊວງວັດທະນະທຳແລະທ່ອງທ່ຽວຈີນເປີດເຜີຍໃນວັນທີ 15 ມັງກອນນີ້ວ່າ, ປີ 2020 ແມ່ນ “ປີທ່ອງທ່ຽວຈີນ-ບຣູໄນ” ແລະ “ປີທ່ອງທ່ຽວວັດທະນະທຳຈີນ-ມາເລເຊຍ”. ວັນທີ 17 ມັງກອນນີ້, ກະຊວງວັດທະນະທຳແລະທ່ອງທ່ຽວຈີນຈະຈັດພິທີເປີດປີທ່ອງທ່ຽວແລະດຳເນີນກິດຈະກຳຕ່າງໆຮ່ວມກັບກະຊວງຊັບພະຍາກອນຂັ້ນຕົ້ນແລະທ່ອງທ່ຽວບຣູໄນຢູ່ນະຄອນຫຼວງບານດາເຊຣີເບກາວັນປະເທດບຣູໄນແລະຈະຈັດພິທີເປີດປີທ່ອງທ່ຽວແລະດຳເນີນກິດຈະກຳຕ່າງໆຮ່ວມກັບກະຊວງທ່ອງທ່ຽວ, ສິລະປະແລະວັດທະນະທຳມາເລເຊຍຢູ່ນະຄອນຫຼວງກົວລາລຳເປີປະເທດມາເລເຊຍໃນວັນທີ 19 ມັງກອນນີ້.
ຕາມວາລະຂອງພິທີຈະປະກອບດ້ວຍສອງພາກສ່ວນຄື: ງານໂຄສະນາແລະງານປຶກສາຫາລືການຄ້າລະຫວ່າງຈີນ-ບຣູໄນແລະມາເລເຊຍເຊິ່ງຈະຈັດຂຶ້ນຢູ່ນະຄອນຫຼວງຂອງສອງປະເທດດັ່ງກ່າວ, ຜູ້ຕາງໜ້າທີ່ມາຈາກອົງການທ່ອງທ່ຽວແລະວິສາຫະກິດທ່ອງທ່ຽວທຸກຂັ້ນຂອງຈີນຈະເຂົ້າຮ່ວມງານໂຄສະນາແລະການປຶກສາຫາລືກັບຜູ້ຕາງໜ້າບຣູໄນແລະມາເລເຊຍ.
ກາໝາຍ “ປີທ່ອງທ່ຽວຈີນ-ບຣູໄນ” ແລະ “ປີທ່ອງທ່ຽວວັດທະນະທຳຈີນ-ມາເລເຊຍ” ກໍຈະເປີດເຜີຍຕໍ່ສາທາລະນະຊົນໃນພິທີເປີດງານດັ່ງກ່າວ.
ຄຳເຫັນ
0