ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕົວເລກທີ່ອົງການດ່ານພາສີແຫ່ງຊາດຈີນເປີດ້ເຜີຍໃນວັນທີ 16 ມັງກອນນີ້ສະແດງໃຫ້ເຫັນວ່າ, ປີ 2019, ອົງການດ່ານພາສີຈີນໄດ້ສືບສວນຄະດີຄ້າຂາຍເຖື່ອນ 4198 ລາຍ; ນອກຈາກນັ້ນອົງການດ່ານພາສີຈີນຍັງໄດ້ອະນຸມັດໃຫ້ຜະລິດຕະພັນກະສິກຳ 77 ຊະນິດຈາກ 82 ປະເທດແລະເຂດແຄວ້ນຜ່ານດ່ານເຂົ້າເມືອງ, ເປັນການສະໜັບສະໜູນຕໍ່ຄວາມຕ້ອງການຂອງຕະຫຼາດຢ່າງແຂງແຮງແລະເຮັດໃຫ້ລາຄາສິນຄ້າໝັ້ນທ່ຽງ.
ໃນກອງປະຊຸມວຽກງານອົງການດ່ານພາສີທົ່ວປະເທດປີ 2020 ທີ່ຈັດຂຶ້ນໃນວັນທີ 16 ມັງກອນນີ້, ທ່ານໜີຢົວເຟີງ ຫົວໜ້າອົງການດ່ານພາສີແຫ່ງຊາດຈີນກ່າວວ່າ: ໃນຄະດີທີ່ອົງການດ່ານພາສີຈີນສືບສວນໃນປີ 2019, ຄະດີຄ້າຂາຍເຖື່ອນທີ່ກ່ຽວພັນເຖິງການໜີພາສີນັ້ນໄດ້ກວມປະມານ 50%, ມີມູນຄ່າເຖິງ 78,16 ຕື້ຢວນ, ເພີ່ມຂຶ້ນ 74,3%. ສືບສວນຄະດີຄ້າຂາຍເຖື່ອນຜະລິດຕະພັນງາຊ້າງ 170 ລາຍ, ນອກຈາກນັ້ນຍັງໄດ້ເພີ່ມທະວີການປະສານສົມທົບກັບປະເທດ, ເຂດແຄວ້ນແລະອົງການຈັດຕັ້ງທີ່ກ່ຽວຂ້ອງ, ຊ່ວຍເຫຼືອອົງການດ່ານພາສີຂອງເຂດພິເສດຮົງກົງຈີນ, ມາເລເຊຍ, ຫວຽດນາມ, ສິງກະໂປກວດຄົ້ນແລະພົບງາຊ້າງທີ່ຄ້າຂາຍເຖື່ອນຫຼາຍກວ່າ 11 ໂຕນ, ແລະເກັດລິ່ນເກືອບ 60 ໂຕນ.
ໂດຍຜ່ານການປາບປາມຢ່າງຕໍ່ເນື່ອງ, ການນຳເຂົ້າຂີ້ເຫຍື້ອຈາກຕ່າງປະເທດໄດ້ຖືກສະກັດກັ້ນຢ່າງມີປະສິດທິຜົນ. ຂະນະດຽວກັນໃນດ້ານການບູລະນະສະພາບແວດລ້ອມດຳເນີນທຸລະກິດໃຫ້ດີຂຶ້ນ, ອົງການດ່ານພາສີຈີນໄດ້ອອກແຮງຊຸກຍູ້ການຍົກສູງສະມັດຕະພາບແລະຫຼຸດຄ່າທຳນຽມຜ່ານດ່ານ. ປີ 2020, ຈີນຍັງຈະສືບຕໍ່ປາບປາມການຄ້າຂາຍເຖື່ອນຢ່າງເຄັ່ງຄັດ, ເພື່ອຊຸກຍູ້ໃຫ້ເສດຖະກິດຈີນພັດທະນາຢ່າງມີຄຸນນະພາບສູງ.
ຄຳເຫັນ
0