ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດທີ່ທ່ານສີຈິ້ນຜິງ ປະທານປະເທດຈີນຈະເດີນທາງຢ້ຽມຢາມມຽນມາທາງລັດຖະກິດ, ເພື່ອເພີ່ມທະວີການແລກປ່ຽນລະຫວ່າງສື່ມວນຊົນສອງປະເທດ, ກອງປະຊຸມໂຕະມົນສື່ມວນຊົນວ່າດ້ວຍການຮ່ວມມື “ໜຶ່ງແລວໜຶ່ງເສັ້ນທາງ” ຈີນ-ມຽນມາ ທີ່ສະຖານີວິທະຍຸໂທລະພາບສູນກາງຈີນ ຫຼື CMG ເປັນເຈົ້າພາບໄດ້ຈັດຂຶ້ນຢູ່ນະຄອນຢາງກຸ້ງປະເທດມຽນມາໃນວັນທີ 15 ມັງກອນນີ້.
ມື້ດຽວກັນ, ຜູ້ຕາງໜ້າສື່ມວນຊົນຈີນແລະມຽນມາ 70 ກວ່າທ່ານໄດ້ເຂົ້າຮ່ວມ ເພື່ອລົງເລິກປຶກສາຫາລືວ່າ: ສົມຄວນເຮັດແນວໃດ ເພື່ອໃຫ້ສື່ມວນຊົນເສີມຂະຫຍາຍບົດບາດຊຸກຍູ້ການຮ່ວມມື “ໜຶ່ງແລວໜຶ່ງເສັ້ນທາງ” ລະຫວ່າງຈີນແລະມຽນມາ ແລະ ຊຸກຍູ້ການພົວພັນຈີນ-ມຽນມາ.
ຜູ້ເຂົ້າຮ່ວມກອງປະຊຸມເຫັນວ່າ, ການເຊື່ອມສານຈິດໃຈຂອງປະຊາຊົນເປັນພື້ນຖານແຫ່ງການຂະຫຍາຍການພົວພັນລະຫວ່າງສອງປະເທດ ແລະ ຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ສື່ມວນຊົນມີໜ້າທີ່ຮັບຜິດຊອບເຜີຍແຜ່ພາບພົດໃນທາງບວກທີ່ຕັ້ງໜ້າ, ຍຶດຖືຈຸດຢືນຕາມສະພາບຄວາມເປັນຈິງ ແລະ ທ່ຽງທຳ, ຊຸກຍູ້ໃຫ້ປະຊາຊົນສອງປະເທດມີຄວາມເຂົ້າໃຈກັນ, ສະແຫວງຫາສິ່ງທີ່ຄືກັນ ແລະ ສະຫງວນສິ່ງທີ່ຕ່າງກັນ, ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ. ສື່ມວນຊົນສອງປະເທດຄວນເພີ່ມທະວີການແລກປ່ຽນແລະຮ່ວມມືກັນຕື່ມອີກ, ຮ່ວມກັນຮັບມືກັບສິ່ງທ້າທາຍລົບກວນຢ່າງບັງອາດທີ່ຝືນກັບຄວາມເປັນຈິງ ແລະ ບໍ່ທ່ຽງທຳຂອງສື່ມວນຊົນຕາເວັນຕົກບາງແຫ່ງ, ພ້ອມທັງກ້າວເດີນໃຫ້ທ່ວງທັນກັບສະຖານະການສາກົນ ແລະ ພາກພື້ນທີ່ປ່ຽນແປງໄປເລື້ອຍໆ, ເຕົ້າໂຮມສະຕິປັນຍາແລະກຳລັງວັງຊາແຫ່ງການຮ່ວມມືແລະການພັດທະນາ ເພື່ອຊຸກຍູ້ການສ້າງສາແລວທາງເສດຖະກິດຈີນ-ມຽນມາ ແລະ ສ້າງຄວາມຜາສຸກໃຫ້ແກ່ສອງປະເທດແລະປະຊາຊົນສອງຊາດ.
ກອງປະຊຸມໂຕະມົນຍັງໄດ້ຈັດພິທີເຜີຍແຜ່ປຶ້ມ “ທ່ານສີຈິ້ນຜິງແລະ ໜຶ່ງແລວໜຶ່ງເສັ້ນທາງ” ສະບັບພາສາມຽນມາຄັ້ງທຳອິດ.
ຄຳເຫັນ
0