ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດທີ່ທ່ານສີຈິ້ນຜິງ ປະທານປະເທດຈີນຈະເດີນທາງຢ້ຽມຢາມມຽນມາທາງລັດຖະກິດ ແລະ ວັນສ້າງຕັ້ງສາຍພົວພັນທາງການທູດຈີນ-ມຽນມາຄົບຮອບ 70 ປີ, ພິທີເລີ່ມສາຍຟີມສາລະຄະດີ “ຍຸດໂທບາຍການປົກຄອງປະເທດຂອງທ່ານສີຈິ້ນຜິງ” ສະບັບພາສາມຽນມາໄດ້ຈັດຂຶ້ນຢູ່ນະຄອນຢາງກຸ້ງໃນວັນທີ 16 ມັງກອນນີ້, ແຂກຜູ້ມີກຽດທັງຈີນແລະມຽນມາ ແລະ ຜູ້ຕາງໜ້າວົງການຕ່າງໆ 100 ກວ່າຄົນໄດ້ເຂົ້າຮ່ວມ.
ຕາມຂ່າວແຈ້ງວ່າ, “ຍຸດໂທບາຍການປົກຄອງປະເທດຂອງທ່ານສີຈິ້ນຜິງ” ໄດ້ບັນຍາຍພຶດຕິກຳແລະຜົນສຳເລັດຂອງທ່ານສີຈິ້ນຜິງໃນການປົກຄອງປະເທດ ແລະ ຄຸ້ມຄອງລັດຢ່າງເປັນລະບົບ ໂດຍຜ່ານພຶດຕິກຳຕົວຈິງທີ່ມີຊີວິດຊີວາຕ່າງໆນານາ. ຕອນຄ່ຳວັນທີ 16 ຫາ 18 ມັງກອນນີ້, ຟີມສາລະຄະດີ “ຍຸດໂທບາຍການປົກຄອງປະເທດຂອງທ່ານສີຈິ້ນຜິງ” ສະບັບພາສາມຽນມາຈະສາຍຢູ່ສະຖານີໂທລະພາບ Sky net ທີ່ເປັນຊ່ອງທຸລະກິດໃຫຍ່ທີ່ສຸດຂອງມຽນມາ ແລະ ຍັງຈະສາຍຢູ່ສື່ມວນຊົນສຳຄັນຕ່າງໆຂອງມຽນມາ ເຊັ່ນ: ສະຖານີໂທລະພາບແຫ່ງຊາດມຽນມາເປັນຕົ້ນ.
ໃນພິທີ, ຜູ້ຕາງໜ້າວົງການຕ່າງໆຂອງມຽນມາໄດ້ຕີລາຄາຢ່າງສູງຕໍ່ “ຍຸດໂທບາຍການປົກຄອງປະເທດຂອງທ່ານສີຈິ້ນຜິງ” ໂດຍກ່າວວ່າ, ຟີມດັ່ງກ່າວໄດ້ອະທິບາຍເຖິງທັດສະນະຄະຕິໃໝ່ ແລະ ຜົນສຳເລັດດ້ານການພັດທະນາຂອງຈີນໃນຫຼາຍປີມານີ້ ເຊິ່ງເປັນບົດຮຽນທີ່ມຽນມາຄວນຖອດຖອນຮ່ຳຮຽນນຳ.
ຄຳເຫັນ
0