ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການສະຖິຕິແຫ່ງຊາດຈີນໄດ້ປະກາດຕົວເລກຂໍ້ມູນໃນວັນທີ 17 ມັງກອນນີ້ ໂດຍສະແດງໃຫ້ເຫັນວ່າ, ຕາມການຄິດໄລ່ເບື້ອງຕົ້ນ, ລວມຍອດຜະລິດຕະພັນພາຍໃນຫຼື GDP ຂອງຈີນໃນປີ 2019 ໄດ້ບັນລຸເຖິງ 99.086,5 ຕື້ຢວນ, ຕາມລາຄາທີ່ປຽບທຽບໄດ້ແມ່ນເພີ່ມຂຶ້ນ 6,1% ເມື່ອທຽບໃສ່ປີ 2018 ເຊິ່ງເປັນໄປຕາມເປົ້າໝາຍທີ່ວາງໄວ້ ຄືໃຫ້ເຕີບໂຕຢູ່ລະຫວ່າງ 6% ຫາ 6,5%. ເມື່ອໄລ່ຕາມແຕ່ລະໄຕມາດແລ້ວເຫັນວ່າ, ໄຕມາດທີໜຶ່ງໄດ້ເພີ່ມຂຶ້ນ 6,4%, ໄຕມາດທີສອງໄດ້ເພີ່ມຂຶ້ນ 6,2%, ໄຕມາດທີສາມໄດ້ເພີ່ມຂຶ້ນ 6,0% ແລະ ໄຕມາດທີສີ່ໄດ້ເພີ່ມຂຶ້ນ 6,0% ເມື່ອທຽບໃສ່ປີ 2018.
ຄຳເຫັນ
0