ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ວັນທີ 18 ມັງກອນນີ້, ທ່ານສີຈິ້ນຜີງ, ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນແລະທ່ານຫງວຽນ ຟູ ຈອງ, ເລຂາທິການໃຫຍ່ສູນກາງພັກກອມມູນິດຫວຽດນາມ, ປະທານປະເທດຫວຽດນາມໄດ້ສົ່ງສານອວຍພອນໃຫ້ແກ່ກັນກ່ຽວກັບການສ້າງຕັ້ງສາຍພົວພັນທາງການທູດ ຈີນ-ຫວຽດນາມຄົບຮອບ 70 ປີ.
ທ່ານສີຈິ້ນຜີງກ່າວໃນສານອວຍພອນວ່າ, ຈີນ-ຫວຽດນາມເປັນປະເທດບ້ານໃກ້ເຮືອນຄຽງສັງຄົມນິຍົມທີ່ມີສາຍພູສາຍນ້ຳຕິດຈອດກັນ, ເພິ່ງພາອາໄສກັນ, ກໍ່ແມ່ນປະຊາຄົມຮ່ວມຊາຕາກຳທີ່ມີຄວາມໝາຍຍຸດທະສາດ. ໃນ 70 ປີຜ່ານມານັບແຕ່ຈີນ-ຫວຽດນາມໄດ້ສ້າງຕັ້ງສາຍພົວພັນທາງການທູດເປັນຕົ້ນມາ, ມິດຕະພາບອັນເປັນມູນເຊື້ອທີ່ອະດີດຜູ້ນຳສອງປະເທດໄດ້ສ້າງຂຶ້ນແລະຮັກສາໄວ້ໄດ້ເກີດດອກອອກຜົນ, ແລະໄດ້ຮັບການຂະຫຍາຍຕົວຢ່າງຫຼວງຫຼາຍພາຍໃຕ້ທິດທາງ 16 ຕົວໜັງສືຈີນ, ກໍຄື: “ໝັ້ນຄົງຍາວນານ, ມຸ່ງໜ້າໄປສູ່ອະນາຄົດ, ມີໄມຕີຈິດຖານບ້ານໃກ້ເຮືອນຄຽງ, ຮ່ວມມືຢ່າງຮອບດ້ານ”ແລະການຊີ້ນຳດ້ານຈິດໃຈ “ເພື່ອນບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ, ຄູ່ຮ່ວມທີ່ດີ”.
ທ່ານສີຈິ້ນຜີງກ່າວເນັ້ນວ່າ, ຂ້າພະເຈົ້າໃຫ້ຄວາມສຳຄັນສູງຕໍ່ການຂະຫຍາຍການພົວພັນລະຫວ່າງຈີນ-ຫວຽດນາມ, ຍິນດີຮ່ວມກັນກັບສະຫາຍ ຫງວຽນ ຟູ ຈອງ, ກຳແໜ້ນທິດທາງຂະຫຍາຍໄປໜ້າຂອງສາຍພົວພັນຈີນ-ຫວຽດນາມ, ສົ່ງເສີມຈຸດປະສົງຕົ້ນຕໍດ້ານມິດຕະພາບອັນເປັນມູນເຊື້ອລະຫວ່າງສອງປະເທດ, ຈື່ຈຳອຸດົມຄະຕິແລະພາລະໜ້າທີ່ປະຫວັດສາດຮ່ວມໃຫ້ດີ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ຫວຽດນາມໃນຍຸກໃໝ່ໃຫ້ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
ທ່ານ ຫງວຽນ ຟູ ຈອງກ່າວໃນສານອວຍພອນວ່າ, ຫວຽດນາມໄດ້ຖືການຂະຫຍາຍການພົວພັນກັບຈີນເປັນນະໂຍບາຍບູລິມະສິດໃນວຽກງານການຕ່າງປະເທດມາໂດຍຕະຫຼອດ, ເຊື່ອໝັ້ນວ່າພາຍໃຕ້ຄວາມເອົາໃຈໃສ່ແລະການຊີ້ນຳໂດຍກົງຂອງຜູ້ນຳສອງພັກແລະສອງລັດ, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງຝ່າຍຈະຖືກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
ວັນທີ 18 ມັງກອນນີ້, ທ່ານຫຼີ ເຄີ້ ສຽງ, ນາຍົກລັດຖະມົນຕີຈີນແລະທ່ານ ຫງວຽນ ຊວນ ຟຸກ, ນາຍົກລັດຖະມົນຕີຫວຽດນາມກໍໄດ້ສົ່ງສານພອນໃຫ້ແກ່ກັນ.
ຄຳເຫັນ
0