ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວລາ 19 ໂມງ 30 ນາທີຂອງວັນທີ 17 ມັງກອນນີ້, ງານລາຕີສະຫຼອງບຸນກຸດຈີນທາງອິນເຕີເນັດ(ຕໍ່ໄປຊິຂຽນຫຍໍ້ເປັນງານລາຕີອິນເຕີເນັດ)ປີ 2020 ທີ່ຈັດຂຶ້ນໂດຍສະຖານີວິທະຍຸໂທລະພາບສູນກາງຈີນຫຼື CMG ໄດ້ອອກອາກາດໃນເວລາດຽວກັນຢູ່ຊ່ອງສິລະປະວັດທະນະທຳ CCTV, App ຊົມວິດີໂອຂອງ CCTV, ເວັບໄຊ CCTV ແລະ App ຂ່າວ CCTV, ເພື່ອນມິດຊາວໜຸ່ມທີ່ມາຈາກແຫ່ງຕ່າງໆທົ່ວປະເທດແລະຂະແໜງການຕ່າງໆໄດ້ສ້າງຄວາມເບີກບານມ່ວນຊື່ນຮ່ວມກັນ ແລະໄດ້ສ້າງງານໄວໜຸ່ມທີ່ມີຊີວິດຊີວາ.
ງານລາຕີອິນເຕີເນັດປີນີ້ມີຮູບການທີ່ຖືກໃຈຊາວໜຸ່ມ ເຊິ່ງໄດ້ສະແດງໃຫ້ເຫັນເຖິງຈິດໃຈບາກບັ່ນສູ້ຊົນຂອງຊາວໜຸ່ມຈາກ 3 ດ້ານຄື ຕົນເອງ, ຊີວິດທີ່ມີຄວາມສຸກ ແລະນຳໃຈຮັກຊາດ. ພ້ອມກັນນັ້ນ, ໄດ້ໃຫ້ກຳລັງໃຈແກ່ຊາວໜຸ່ມທັງຫຼາຍດ້ວຍເພງລະດົມໃຈແລະແບບຢ່າງການສູ້ຊົນຜູ້ດີເດັ່ນ. ທ່ານຢວນລົງພີງ ອາຍຸ 90 ປິ, ນັກວິທະຍາສາດກະສິກຳຜູ້ມີຊື່ສຽງແລະທ່ານນາງຝານຈີນຊື່ ອາຍຸ 82 ປິ, ຊ່ຽວຊານດ້ານການຮັກສາວັດຖຸບູຮານຂອງຈີນໄດ້ສົ່ງຄຳອວຍພອນປີໃໝ່ຢ່າງຈິງໃຈໃຫ້ແກ່ເພື່ອນມິດຊາວໜຸ່ມທັງຫຼາຍ; ຊາວໜຸ່ມຜູ້ມີຊື່ສຽງທາງອິນເຕີເນັດໃນ 1 ປີທີ່ຜ່ານມາຮ່ວມກັບດາລານັກສະແດງຂອງຈີນ, ໄດ້ບັນລະຍາຍສິ່ງທີ່ທັນສະໄໝຕ່າງໆໃນປີ 2019 ດ້ວຍຫົວຄິດປະດິດສ້າງ, ເຮັດໃຫ້ຊາວໜຸ່ມທັງຫຼາຍມີຄວາມມ່ວນຊື່ນແລະຊົມຈົນອີ່ມຕາອີ່ມໃຈ.
ງານລາຕີອິນເຕີເນັດເປັນພາກສ່ວນທຳອິດຂອງງານລາຕີສະຫຼອງບຸນກຸດຈີນໃນຄືນສົ່ງທ້າຍປີເກົ່າ ເຊິ່ງບໍ່ພຽງແຕ່ມີເອກະລັກພິເສດດ້ານອິນເຕີເນັດເທົ່ານັ້ນ, ສຳຄັນກວ່ານັ້ນແມ່ນຕ້ອງມີການແລກປ່ຽນກັບຜູ້ຊົມ. App ຊົມວິດີໂອ CCTV ທີ່ນຳໃຊ້ເຕັກນິກ 5G ແລະສ້າງຂຶ້ນໂດຍ CMG ໄດ້ຖ່າຍທອດສົດງານລາຕີອິນເຕີເນັດແຕ່ຕົ້ນຕະຫຼອດປາຍດ້ວຍຮູບການທັງຊົມທັງລົມກັນ ເຊິ່ງໄດ້ສອດຄ່ອງກັບຄວາມນິຍົມຂອງຜູ້ຊົມຊາວໜຸ່ມ ແລະເຮັດໃຫ້ງານລາຕີນີ້ມີຜູ້ຊົມເຂົ້າຮ່ວມຢ່າງຫຼວງຫຼາຍ.
ຈຸດເດັ່ນທີ່ໜ້າສົນໃຈທີ່ສຸດໃນງານລາຕີອິນເຕີເນັດກໍຄີ ນຳໃຊ້ເຕັກນິກຂໍ້ມູນມະຫາສານ(big data) ແລະໂຄສົກທີ່ມີຮູບແລະສຽງຄືຄົນແທ້ມາອະທິບາຍດ້ານຕ່າງໆຂອງຊີວິດອິນເຕີເນັດຈີນແລະຊີ້ໃຫ້ເຫັນຈຸດສຸມໃນຊີວິດປະຈຳວັນຂອງຊາວໜຸ່ມຈີນ. ໃນນັ້ນ, ສິ່ງທີ່ໜ້າສົນໃຈທີ່ສຸດແມ່ນ, 50 ຄຳສັບທີ່ສາມາດສະແດງໃຫ້ເຫັນເຖິງຄວາມປາຖະນາໃນປີໃໝ່ຂອງຊາວໜຸ່ມຈີນທີ່ຄົນທັງຫຼາຍມັກໃຊ້ທີ່ສຸດ ຈະປາກົດອອກຢູ່ໜ້າຈໍຂອງງານລາຕີອິນເຕີເນັດ.
ງານໄວໜຸ່ມທີ່ໃຫຍ່ໂຕຄັ້ງນີ້, ໄດ້ວາງແຜນຜັງອັນດີງາມໃຫ້ແກ່ຍຸກສະໄໝ, ໄດ້ສະແດງໃຫ້ເຫັນເຖິງພະລັງຊີວິດຂອງຊາວໜຸ່ມ ແລະໄດ້ສະສົມຄວາມແຮງທີ່ກ້າວໄປໜ້າດ້ວຍຈິດໃຈບາກບັ່ນສູ້ຊົນ.
ຄຳເຫັນ
0