ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມັງກອນນີ້, ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສໃນພິທີສະເຫຼີມສະໜອງວັນສ້າງຕັ້ງສາຍພົວພັນທາງການທູດຈີນ-ມຽນມາຄົບຮອບ 70 ປີ ແລະພິທີເປີດປີວັດທະນະທຳແລະທ່ອງທ່ຽວຈີນ-ມຽນມາ ໂດຍໄດ້ກ່າວເນັ້ນວ່າ: ການຊຸກຍູ້ການຂະຫຍາຍຕົວຂອງການພົວພັນລະຫວ່າງຈີນກັບມຽນມາໃນຍຸກໃໝ່, ຕ້ອງສືບທອດອັນເກົ່າ ແລະເສີມຂະຫຍາຍອັນໃໝ່, ທັງຮັກສາມູນເຊື້ອອັນດີງາມໃນປະຫວັດສາດ ທັງມີການປະດິດສ້າງໃໝ່. ຄວາມເຫັນທີ່ສຳຄັນດັ່ງນີ້ ໄດ້ຊີ້ນຳທິດທາງຢ່າງຈະແຈ້ງຕໍ່ການພົວພັນຈີນ-ມຽນມາໃນຍຸກໃໝ່.
ຈີນແລະມຽນມາເປັນປະເທດບ້ານໃກ້ເຮືອນຄຽງ, ປະຊາຊົນສອງປະເທດໄດ້ມີການໄປມາຫາສູ່ກັນເປັນເວລາພັນກວ່າປີມາແລ້ວ. ໂດຍສະເພາະນັບແຕ່ ສປ ຈີນສະຖາປະນາຂຶ້ນເປັນຕົ້ນມາ, ການໄປມາຫາສູ່ກັນລະຫວ່າງຈີນແລະມຽນມາໄດ້ກາຍເປັນແບບຢ່າງທີ່ດີທາງດ້ານການຢູ່ຮ່ວມກັນຢ່າງປອງດອງກັນ ແລະ ຮ່ວມມືແບບຕ່າງຝ່າຍຕ່າງມີຜົນປະ
ໂຫຍດລະຫວ່າງປະເທດໃຫຍ່ແລະປະເທດນ້ອຍ. ໃນຄຳປາໄສ, ທ່ານສີຈິ້ນຜິງໄດ້ເນັ້ນຄຳທີ່ວ່າ “ບຸນວາດສະໜາ” ເພື່ອຫວນຄືນພື້ນຖານປະຫວັດສາດອັນເລິກເຊິ່ງໜ້າແໜ້ນແລະມູນເຊື້ອອັນດີງາມແລະລ້ຳຄ່າລະຫວ່າງການພົວພັນຂອງສອງປະເທດ ທັງໄດ້ຊີ້ອອກວ່າ, ສອງປະເທດເປັນປະເທດບ້ານໃກ້ເຮືອນຄຽງ, ປະຊາຊົນສະໜິດສະໜົມກັນ, ວັດທະນະທຳຄ້າຍຄືກັນ, ຄວາມຮັກແພງຖານອ້າຍນ້ອງໄດ້ສືບທອດກັນມາເປັນເວລາພັນປີ ເຊິ່ງເປັນພະລັງແມ່ແຮງ ແລະ ແຫຼ່ງກຳເນີດໃນການຂະຫຍາຍການພົວພັນລະຫວ່າງສອງປະເທດ.
ຈີນແລະມຽນມາເປີດຍຸກໃໝ່ໃຫ້ແກ່ສາຍພົວພັນລະຫວ່າງສອງປະເທດເນື່ອງໃນໂອກາດທີ່ສອງປະເທດສ້າງຕັ້ງສາຍພົວພັນທາງການທູດຄົບຮອບ 70 ປີ, ນີ້ມີຄວາມໝາຍທີ່ສຳຄັນຫຼາຍ. ທ່ານສີຈິ້ນຜິງໄດ້ກ່າວໃນຄຳປາໄສວ່າ: ການພົວພັນລະຫວ່າງຈີນກັບມຽນມາໄດ້ກ້າວເຂົ້າສູ່ຍຸກໃໝ່ແລ້ວ, ຕ້ອງເຄົາຕ້ອງປະຕິບັດຕາມການສ້າງປະຊາຄົມຮ່ວມຊາຕາກຳຈີນ-ມຽນມາ. ທ່ານຍັງເນັ້ນວ່າ: ການພົວພັນລະຫວ່າງສອງປະເທດກ້າວເຂົ້າສູ່ຍຸກໃໝ່, ຕ້ອງຖືສຳຄັນຜົນປະໂຫຍດພື້ນຖານຂອງປະຊາຊົນສອງຊາດ.
ໃນສະຖານະການໃໝ່, ທ່ານສີຈິ້ນຜິງກ່າວວ່າ: ຈີນແລະມຽນມາຄວນສືບຕໍ່ນຳໜ້າສົ່ງເສີມແລະປະຕິບັດຫຼັກການ 5 ປະການທີ່ຢູ່ຮ່ວມກັນໂດຍສັນຕິ, ສືບຕໍ່ໃຫ້ການສະໜັບສະໜູນແກ່ກັນໃນອົງການສະຫະປະຊາຊາດ, ການຮ່ວມມືອາຊີຕາເວັນອອກແລະກາລະໂອກາດຕ່າງໆ; ປົກປັກຮັກສາສັນຕິພາບຂອງໂລກ, ຊຸກຍູ້ການພັດທະນາຮ່ວມກັນ. ຈີນແລະມຽນມາບໍ່ພຽງແຕ່ຈະບຸກເບີກສະພາບການໃໝ່ແຫ່ງການພັດທະນາຂອງປະເທດຕົນເທົ່ານັ້ນ, ຍັງຈະເພີ່ມກຳລັງທາງບວກເຂົ້າໃນການຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ ແລະຊຸກຍູ້ໃຫ້ໂລກມີສັນຕິພາບແລະຄວາມຈະເລີນຮຸ່ງເຮືອງອີກດ້ວຍ.
ຄຳເຫັນ
0