ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ມັງກອນນີ້, ໃນເວລາທ່ານສີຈິ້ນຜິງ ປະທານປະເທດຈີນພົບປະກັບທ່ານວິນມິນ ປະທານາທິບໍດີມຽນມາ, ທ່ານກ່າວວ່າ, ຫວັງວ່າຜ່ານຈາກການຢ້ຽມຢາມຄັ້ງນີ້ຈະເປັນການເພີ່ມເນື້ອໃນທັງ 3 ດ້ານ ຄື:
1, ລັດຖະບານຈີນ ແລະ ປະຊາຊົນຈີນຍຶດໝັ້ນໃນການສະໜັບສະໜູນລັດຖະບານ ແລະ ປະຊາຊົນມຽນມາເດີນຕາມເສັ້ນທາງພັດທະນາທີ່ສອດຄ່ອງກັບສະພາບຄວາມເປັນຈິງຂອງປະເທດຕົນ ແລະ ຊຸກຍູ້ພາລະກິດພັດທະນາປະເທດຊາດຢ່າງບໍ່ຢຸດຢັ້ງ.
2, ການພົວພັນຄູ່ຮ່ວມມືຍຸດທະສາດຮອບດ້ານຈີນ-ມຽນມາມີພື້ນຖານທີ່ໜັກແໜ້ນ, ການຮ່ວມກັນພະຍາຍາມສ້າງຄູ່ຮ່ວມຊາຕາກຳຈີນ-ມຽນມາ ຈະເປັນເພີ່ມພະລັງຊຸກດັນ ແລະ ສ້າງຄວາມມີຊີວິດຊີວາໃໝ່ໃຫ້ແກ່ການຂະຫຍາຍການພົວພັນລະຫວ່າງສອງປະເທດ.
3, ຈີນຍິນດີຊຸກຍູ້ການຮ່ວມມືຕົວຈິງກັບມຽນມາ, ເລັ່ງລັດໃຫ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ເຊື່ອມຕໍ່ກັບຍຸດທະສາດການພັດທະນາຂອງມຽນມາ, ເຮັດໃຫ້ການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດແຕກໜໍ່ຈໍ່ແໜງ ແລະ ສ້າງຄວາມສຸກໃຫ້ແກ່ປະຊາຊົນສອງຊາດ.
ການສະແດງທ່າທີດັ່ງກ່າວໄດ້ສະແດງໃຫ້ເຫັນວ່າ, ຈີນເດັດດ່ຽວໃຫ້ການສະໜັບສະໜູນມຽນມາຢ່າງເຕັມທີ່ ເຊິ່ງໄດ້ເພີ່ມເນື້ອໃນໃໝ່ ແລະ ພະລັງຊຸກດັນໃໝ່ໃຫ້ແກ່ “ຄວາມຮັກແພງຖານອ້າຍນ້ອງ” ໃນຍຸກໃໝ່.
ເປັນການເສີມຂະຫຍາຍມູນເຊື້ອມິດຕະພາບ, ເພີ່ມຄວາມໄວ້ເນື້ອເຊື່ອໃຈກັນທາງການເມືອງ ແລະ ລົງເລິກການຮ່ວມມືແບບຕ່າງຝ່າຍຕ່າງມີຜົນປະໂຫຍດ, “ຄວາມຮັກແພງຖານອ້າຍນ້ອງ” ຈີນແລະມຽນມາໃນຍຸກໃໝ່ແຫ່ງການຮ່ວມກັນສ້າງຄູ່ຮ່ວມຊາຕາກຳຈີນ-ມຽນມາໄດ້ມີຊີວິດຊີວາໃໝ່ ເຊິ່ງຈະສ້າງຄວາມຜາສຸກໃຫ້ແກ່ປະຊາຊົນສອງຊາດ ທັງເປັນການຊຸກຍູ້ສັນຕິພາບ ແລະ ການພັດທະນາຂອງພາກພື້ນ ກໍຄືຂອງໂລກ.
ຄຳເຫັນ
0