ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ປີ 2019 ຜ່ານມາ, ອົງການຈົດທະບຽນສົມລົດຂອງຈີນໄດ້ໃຫ້ບໍລິການຈົດທະບຽນແກ່ຄູ່ແຕ່ງງານ ຈຳນວນ 9.471.000 ຄູ່, ອັດຕາການແຕ່ງງານໄດ້ຫຼຸດລົງຢ່າງຕໍ່ເນື່ອງນັບແຕ່ຕັ້ງປີ2014 ເປັນຕົ້ນມາ. ຜູ້ຮັບຜິດຊອບກ່ຽວຂ້ອງຂອງກະຊວງວຽກງານປະຊາສົງເຄາະຈີນໃຫ້ຮູ້ວ່າ: ປະຊາກອນໄວອາຍຸແຕ່ງງານໄດ້ຫຼຸດໜ້ອຍລົງອັນເປັນສາເຫດຕົ້ນຕໍທີ່ພາໃຫ້ອັດຕາການແຕ່ງງານຫຼຸດລົງ, ສະນັ້ນຈຶ່ງມີຄວາມຈຳເປັນຕ້ອງຊັກນຳໃຫ້ຊາວໜຸ່ມໄວສ້າງຄອບຄົວນັ້ນແຕ່ງງານກັນໃຫ້ຫຼາຍກວ່າເກົ່າ.
ວັນທີ 19 ມັງກອນນີ້, ກະຊວງວຽກງານປະຊາສົງເຄາະຈີນໄດ້ຈັດພິທີຖະແຫຼງຂ່າວໄຕມາດ 1ຂອງປີ 2020ໂດຍແຈ້ງວ່າ: ສາເຫດຕົ້ນຕໍທີ່ພາໃຫ້ອັດຕາການແຕ່ງງານຂອງຈີນໃນຊຸມປີຜ່ານມາຫຼຸດຕ່ຳລົງມີ 3 ດ້ານຄື:
ໜຶ່ງ: ຍ້ອນປະຊາກອນໄວແຕ່ງງານຫຼຸດໜ້ອຍລົງ. ຈີນໄດ້ປະຕິບັດນະໂຍບາຍແຜນການຄຸມກຳເນີດມາຕັ້ງແຕ່ຊຸມປີ 1970-1980, ສະນັ້ນ, ປະຊາກອນທີ່ເກີດໃໝ່ໄດ້ຫຼຸດໜ້ອຍລົງ, ນີ້ແມ່ນສາເຫດສຳຄັນທີ່ສຸດທີ່ພາໃຫ້ອັດຕາການແຕ່ງງານຫຼຸດຕ່ຳລົງໃນປັດຈຸບັນ.
ສອງ:ໄປພ້ອມໆກັບການພັດທະນາເສດຖະກິດ-ສັງຄົມ, ຄ່ານິຍົມໃນການແຕ່ງງານຂອງຄົນຈຳນວນຫຼາຍໄດ້ເກີດມີການປ່ຽນແປງ.
ສາມ: ໄປຄຽງຄູ່ກັບການສຶກສາຊັ້ນສູງໄດ້ຂະຫຍາຍກວ້າງອອກ, ຂອບເຂດການສຶກສາຂອງຊາວໜຸ່ມເອງກໍໄດ້ເພີ່ມຂຶ້ນ, ຈິ່ງເຮັດໃຫ້ອາຍຸການແຕ່ງງານຖືກແກ່ຍາວອອກເລື້ອຍໆ, ອັນເຮັດໃຫ້ປະຊາກອນເມື່ອເຖິງໄວແຕ່ງງານແລ້ວຈຳນວນຫຼາຍຍັງບໍ່ແຕ່ງງານ.
ຄຳເຫັນ
0