ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສໃນພິທີສະເຫຼີມສະຫຼອງວັນສ້າງຕັ້ງສາຍພົວພັນຈີນ-ມຽນມາຄົບຮອບ 70 ປີ ກໍຄື ພິທີເປີດປີວັດທະນະທຳແລະທ່ອງທ່ຽວຈີນ-ມຽນມາ ທີ່ຈັດຂຶ້ນໃນວັນທີ 17 ມັງກອນນີ້ວ່າ, ຄວນ ສືບຕໍ່ພາລະກຳໃນອະດີດ, ບຸກເບີກອະນາຄົດແຫ່ງການພົວພັນຈີນ-ມຽນມາຢ່າງມີຫົວຄິດປະດິດສ້າງ.
ທ່ານສີຈິ້ນຜິງກ່າວວ່າ, ຈີນ ແລະ ມຽນມາເປັນປະເທດບ້ານໃກ້ເຮືອນຄຽງ, ປະຊາຊົນມີຮີດຄອງປະເພນີ ແລະ ມີວັດທະນະທຳທີ່ຄ້າຍຄືກັນ, ມິດຕະພາບຖານອ້າຍນ້ອງມີມາເປັນພັນປີ ເຊິ່ງເປັນພະລັງຊຸກດັນ ແລະ ແຫຼ່ງກຳເນີດໃຫ້ແກ່ການພົວພັນລະຫວ່າງສອງຝ່າຍ. ການພົວພັນຈີນ-ມຽນມາໄດ້ກ້າວເຂົ້າສູ່ຍຸກໃໝ່, ຄວນເນັ້ນໃສ່ການສ້າງຄູ່ຮ່ວມຊາຕາກຳຈີນ-ມຽນມາ ເຊິ່ງຈະເປັນຜົນດີໃຫ້ແກ່ສອງປະເທດໃນການເພີ່ມຄວາມໄວ້ເນື້ອເຊື່ອໃຈກັນທາງການເມືອງ, ສ້າງພື້ນຖານການເມືອງທີ່ໜັກແໜ້ນກວ່າເກົ່າໃຫ້ແກ່ການລົງເລິກການຮ່ວມມືກັນຢ່າງຮອບດ້ານ ແລະ ເປັນການຄ້ຳປະກັນທາງການເມືອງທີ່ໝັ້ນແກ່ນກວ່າເກົ່າໃຫ້ແກ່ການບັນລຸການພັດທະນາຮ່ວມກັນ.
ການພົວພັນລະຫວ່າງສອງປະເທດໄດ້ເດີນຜ່ານໄລຍະ 70 ປີ, ການພົວພັນລະຫວ່າງສອງປະເທດໄດ້ມີຈຸດເລີ່ມຕົ້ນໃໝ່ທາງປະຫວັດສາດ, ຄວນຍຶດໝັ້ນຖານະເປັນປະເທດບ້ານໃກ້ເຮືອນຄຽງທີ່ດີທີ່ຮ່ວມແຮງຮ່ວມໃຈກັນ, ເປັນໝູ່ເພື່ອນທີ່ດີທີ່ຮ່ວມທຸກຮ່ວມສຸກ, ເປັນໝູ່ຄູ່ທີ່ດີທີ່ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ ແລະ ເປັນອ້າຍນ້ອງທີ່ດີທີ່ປະຊາຊົນເຊື່ອມສານຈິດໃຈກັນ. ຈີນ ແລະ ມຽນມາບໍ່ພຽງແຕ່ໄດ້ສ້າງສະພາບການໃໝ່ໃຫ້ແກ່ການພັດທະນາປະເທດຂອງກັນແລະກັນເທົ່ານັ້ນ, ຫາກຍັງຈະເພີ່ມພະລັງທາງບວກໃຫ້ແກ່ການຊຸກຍູ້ການສ້າງປະຊາຄົມຮ່ວມຊາຕາກຳມວນມະນຸດ, ຊຸກຍູ້ສັນຕິພາບ ແລະ ຄວາມຈະເລີນຮຸ່ງເຮືອງຂອງໂລກ.
ຄຳເຫັນ
0