ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ທ່ານວາໄລຣີ ຟູເຣິລານ ປະທານບໍລິຫານງານສະມາຄົມສາກົນເພື່ອອະນຸລັກມໍລະດົກໃນເຂດປະທະກັນໄດ້ກ່າວຢູ່ນະຄອນຫຼວງປັກກິ່ງວ່າ: ຈີນໃນຖະນະຖືເປັນປະເທດສະມາຊິກທີ່ສຳຄັນຂອງອົງການຕົນ, ຈີນໄດ້ເສີມຂະຫຍາຍບົດບາດອັນຕັ້ງໜ້າໃນການອະນຸລັກມໍລະດົກໃນເຂດປະທະກັນ, ທ່ານຫວັງວ່າອົງການອະນຸລັກມໍລະດົກວັດທະນະທຳຈີນຈະເຂົ້າຮ່ວມການອະນຸລັກມໍລະດົກວັດທະນະທຳຢູ່ເຂດປະທະກັນໃຫ້ຫຼາຍກວ່າເກົ່າ.
ໃນຊຸມປີຜ່ານມາ, ມໍລະດົກວັດທະນະທຳກາຍເປັນເປົ້າໝາຍຂອງການປະທະກັນດ້ວຍອາວຸດ, ການບູລະນະມໍລະດົກວັດທະນະທຳເປັນສ່ວນປະກອບທີ່ສຳຄັນໃນການສ້າງສັງຄົມ, ວັດທະນະທຳຂອງຊາດຄືນໃໝ່. ສະມາຄົມດັ່ງກ່າວເປັນກອງທຶນສາກົນໃນການສຸມໃສ່ອະນຸລັກມໍລະດົກວັດທະນະທຳຢູ່ເຂດປະທະກັນພຽງໜຶ່ງດຽວ, ຂະນະດຽວກັນ ສະມາຄົມນີ້ຍັງເປັນອົງການຈັດຕັ້ງສາກົນ ທີ່ສະໜອງທຶນຮອນເພື່ອສະໜັບສະໜູນມາດຕະການປ້ອງກັນລ່ວງໜ້າ, ການຢືນມືເຂົ້າແຊກແຊງໃນກໍລະນີສຸກເສີນ ແລະໂຄງການບູລະນະມໍລະດົກວັດທະນະທຳຫຼັງເກີດການປະທະກັນ.
ເພື່ອຊຸກຍູ້ການຮ່ວມມືສາກົນເພື່ອອະນຸລັກມໍລະດົກໃນເຂດປະທະກັນ, ທ່ານຟູເຣິລານໄດ້ຢ້ຽມຢາມນະຄອນຫຼວງປັກກິ່ງ ແລະນະຄອນຊີ່ອ່ານແຂວງສານຊີ່ແຕ່ວັນທີ 12 ຫາວັນທີ 15 ມັງກອນນີ້ ເຊິ່ງໄດ້ພົບປະກັບເຈົ້າໜ້າທີ່ຂອງອົງການມໍລະດົກວັດທະນະທຳ ແລະຫໍພິພິດທະພັນແຫ່ງຊາດ ກໍຄືຜູ້ຊ່ຽວຊານການບູລະນະວັດຖຸບູຮານ. ທ່ານຟູເຣິລານໄດ້ໃຫ້ສຳພາດຕໍ່ນັກຂ່າວວ່າ: ຈີນໄດ້ໃຫ້ການສະໜັບສະໜູນຢ່າງເຕັມທີ່ຕໍ່ສະມາຄົມສາກົນເພື່ອອະນຸລັກມໍລະດົກຢູ່ເຂດປະທະກັນ ເຊິ່ງໄດ້ເສີມຂະຫຍາຍບົດບາດທີ່ສຳຄັນໃນສະພາມົນຕີ ແລະຄະນະກຳມະການວິທະຍາສາດຂອງສະມາຄົມຕົນ.
ຄຳເຫັນ
0