ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ19 ມັງກອນນີ້, ກອງປະຊຸມສຸດຍອດແບກແລັງກ່ຽວກັບບັນຫາລີບີໄດ້ຈັດຂຶ້ນຢູ່ສຳນັກງານນາຍົກລັດຖະມົນຕີເຢຍລະມັນ. ຝ່າຍຕ່າງໆທີ່ເຂົ້າຮ່ວມກອງປະຊຸມໄດ້ເຫັນດີຫ້າມຂົນສົ່ງອາວຸດໃຫ້ລີບີ, ແລະຮ່ວມກັນຊຸກຍູ້ໃຫ້ຝ່າຍຕ່າງໆທີ່ປະທະກັນຢຸດຍິງແລະສ້າງສັນຕິພາບຖາວອນ.
ຕອນຄ່ຳມື້ດຽວກັນ, ທ່ານນາງແອນເຈລາ ເມີເຄວ ນາຍົກລັດຖະມົນຕີເຢຍລະມັນກ່າວໃນກອງປະຊຸມຂ່າວວ່າ, ຝ່າຍຕ່າງໆທີ່ເຂົ້າຮ່ວມກອງປະຊຸມໄດ້ດຳເນີນການເຈລະຈາຢ່າງຈິງຈັງ, ແລະສະແດງໃຫ້ເຫັນລັກສະນະສ້າງສັນໃນລະດັບສູງ, ເຊິ່ງເປັນບາດກ້າວທີ່ສຳຄັນໃນການແກ້ໄຂບັນຫາລີບີ. ຫຼັງຈາກກອງປະຊຸມຈະນຳໃຊ້ມາດຕະການຕົວຈິງທັນທີເພື່ອຈັດຕັ້ງປະຕິບັດໝາກຜົນຂອງກອງປະຊຸມດັ່ງກ່າວ, ແລະຈະຈັດກອງປະຊຸມເພື່ອຊຸກຍູ້ການຢຸດຍິງຢ່າງຖາວອນໃນໄວໆນີ້.
ທ່ານອັນໂຕນີໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດກ່າວວ່າ, ກອງປະຊຸມດັ່ງກ່າວໄດ້ສົ່ງສັນຍານທີ່ຕັ້ງໜ້າ ຄື ຝ່າຍຕ່າງໆທີ່ເຂົ້າຮ່ວມກອງປະຊຸມຈະສຸມໃສ່ແກ້ໄຂວິກິດການລີບີໂດຍສັນຕິ. ທ່ານຮຽກຮ້ອງໃຫ້ຝ່າຍຕ່າງໆຢ່າທຳລາຍເສັ້ນທາງທີ່ຈະກ້າວໄປສູ່ສັນຕິພາບສາຍນີ້.
ແຕ່ໃນກອງປະຊຸມດັ່ງກ່າວ, ສອງຝ່າຍທີ່ປະທະກັນຢູ່ລີບີບໍ່ໄດ້ພົບປະກັນໂດຍກົງ. ທ່ານນາງເມີເຄວກ່າວວ່າ, ໄດ້ແຍກການເຈລະຈາກັບຜູ້ຕາງໜ້າສອງຝ່າຍ, ແຕ່ພົບເຫັນວ່າສອງຝ່າຍມີຄວາມເຫັນທີ່ຂັດແຍ່ງກັນຫຼາຍແທ້ໆ.
ຄຳເຫັນ
0