ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 27 ມີນານີ້, ວາລະສານແພດສາດ“ເຕີ ລານເຊັດ”ທີ່ມີອິດທິພົນໃນໂລກໄດ້ພິມບົດນຳອອນລາຍທີ່ພາດຫົວເລື່ອງວ່າ“COVID-19: ຮຽນຈາກບົດຮຽນແລະປະສົບການ”, ໂດຍຮຽກຮ້ອງໃຫ້ປະເທດຕ່າງໆຕ້ອງໃຊ້ມາດຕະການຢ່າງວ່ອງໄວແລະມີປະສິດທິຜົນໃນເວລາຮັບມືກັບພະຍາດໂຄວິດ-19, ແລະເນັ້ນຄວາມສຳຄັນຂອງການຖອດຖອນບົດຮຽນນຳຈີນແລະການຮ່ວມມືສາກົນ.
ບົດຄວາມຂຽນວ່າ: ໃນສອງອາທິດທີ່ຜ່ານມາ, ພະຍາດໂຄວິດ-19 ໄດ້ແຜ່ລະບາດໄປສູ່ທິດຕາເວັນຕົກຢ່າງຮ້າຍແຮງ. ມາດຕະການປິດຊ່ອງທາງເຂົ້າອອກເມືອງທີ່ປະຕິບັດຢູ່ເມືອງອູຮັ້ນເຮັດໃຫ້ຄົນທັງຫຼາຍຄິດວ່າເຂັ້ມງວດເກີນໄປເມື່ອສອງເດືອນກ່ອນ, ແຕ່ມາຮອດປະຈຸບັນ ມາດຕະການນີ້ໄດ້ຖືກນຳໃຊ້ຢ່າງກວ້າງຂວາງ. ແຕ່ຍັງມີຫຼາຍປະເທດບໍ່ໄດ້ເຄົາລົບແລະປະຕິບັດຕາມຂໍ້ສະເໜີຂອງອົງການອະນາໄມໂລກ, ຊ້ຳພັດໄດ້ໃຊ້ມາດຕະການທີ່ບໍ່ມີລະບຽບ.
ບົດນຳດັ່ງກ່າວໄດ້ຕຳໜິສະເພາະຕໍ່ອັງກິດ ອາເມຣິກາ ແລະຊູແອັດທີ່ທຳປະຕິກິລິຍາຊ້າໃນໄລຍະເບື້ອງຕົ້ນຂອງການລະບາດພະຍາດໂດຍຂຽນວ່າ: “ທ່າທີທີ່ຜິດພາດແລະປະໝາດພະຍາດໃນເບື້ອງຕົ້ນຂອງການນຳບາງປະເທດ ພາໃຫ້ປະເທດເຫຼົ່ານີ້ຈຳເປັນຕ້ອງຮັບຄວາມຈິງທີ່ມີຄົນເສຍຊີວິດຈຳນວນຫຼວງຫຼາຍໃນໄລຍະຕໍ່ມາ,”ແລະວິເຄາະວ່າ,“ກ່ຽວກັບເລື່ອງນີ້, ພຽງແຕ່ໃຫ້ຕີລາຄາດ້ວຍຄຳວ່າ‘ບໍ່ເຄີຍມີມາກ່ອນໃນປະຫວັດສາດ’ເທົ່ານັ້ນ.”
ພ້ອມກັນນັ້ນ, ບົດຄວາມຍັງຊີ້ໃຫ້ເຫັນວ່າ: ໃນການລະບາດຂອງພະຍາດຄັ້ງນີ້, ປະເທດທີ່ມີບົດຮຽນໃນການຕ້ານພະຍາດໂຄວິດ-19 ໄດ້ແບ່ງປັນຊັບພະຍາກອນ ຂໍ້ມູນຂ່າວສານ ແລະຄວາມຮູ້ດ້ານວິຊາການກັບປະເທດຕ່າງໆ, ຮ່ວມກັນຄົ້ນຄວ້າຄວນເຮັດແນວໃດເພື່ອຄວບຄຸມພະຍາດໃຫ້ດີກວ່າເກົ່າ ເຊິ່ງໄດ້ສ້າງແບບຢ່າງທີ່ດີໃຫ້ແກ່ຄວາມສາມັກຄີທົ່ວໂລກ. ບົດຄວາມຍັງເນັ້ນວ່າ: ຄວນໄປຊອກຮູ້ກ່ຽວກັບຈີນແມ່ນເຮັດແນວໃດຈຶ່ງຍົກເລີກມາດຕະການປ້ອງກັນແລະຄວບຄຸມທີ່ເຂັ້ມງວດຢ່າງເປັນກ້າວໆດ້ວຍຄວາມປອດໄພ, ຄວາມຮູ້ດ້ານນີ້ແມ່ນສຳຄັນທີ່ສຸດ.
ຄຳເຫັນ
0