ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 27 ມີນານີ້, ຄະນະກຳມະການການຕ່າງປະເທດຂອງສະພາປະຊາຊົນແຫ່ງຊາດຈີນໄດ້ອອກຖະແຫຼງການກ່ຽວກັບອາເມລິກາຜ່ານຮັບຮອງນາມ “ມະຕິໄຕ້ເປປີ 2019” ກາຍເປັນກົດໝາຍ. ຖະແຫຼງການຂຽນວ່າ, ໃນວັນທີ 26 ມີນານີ້ຕາມເວລາທ້ອງຖິ່ນ, ອາເມລິກາບໍ່ເອົາຫົວຊານຳການຕໍ່ວ່າທັກທວ້ງຢ່າງເຄັ່ງຂຶມຫຼາຍເທື່ອຂອງຈີນ, ໄດ້ຮັບຮອງ “ມະຕິໄຕ້ເປປີ 2019”ເປັນກົດໝາຍ. ການກະທຳນີ້ໄດ້ຝ່າຝືນຕໍ່ຫຼັກການຈີນດຽວແລະຂໍ້ກຳນົດຂອງຖະແຫຼງການຮ່ວມື 3 ສະບັບລະຫວ່າງຈີນ-ອາເມລິກາ, ໄດ້ລະເມີດກົດໝາຍສາກົນແລະຫຼັກການພື້ນຖານຂອງການພົວພັນສາກົນ, ເປັນການແຊກແຊງວຽກງານພາຍໃນຂອງຈີນຢ່າງຮ້າຍແຮງ. ສະພາປະຊາຊົນແຫ່ງຊາດຈີນໄດ້ສະແດງຄວາມບໍ່ພໍໃຈຢ່າງຮຸນແຮງແລະເດັດດ່ຽວຄັດຄ້ານຕໍ່ເລື່ອງນີ້.
ທ່ານເກີງສວງ, ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວປະໃນວັນທີ 27 ມີນານີ້ວ່າ, ໃນທົ່ວໂລກລວມມີ 180 ປະເທດໄດ້ສ້າງສາຍພົວພັນທາງການທູດກັບຈີນ, ອາເມລິກາກໍໄດ້ສ້າງສາຍພົວພັນທາງການທູດຢ່າງເປັນທາງການກັບຈີນບົນພື້ນຖານຫຼັກການຈີນດຽວເມື່ອ 41 ປີກ່ອນ, ແຕ່ມະຕິດັ່ງກ່າວສະກັດກັ້ນບໍ່ໃຫ້ປະເທດຕ່າງໆທີ່ມີອະທິປະໄຕສ້າງສາຍພົວພັນທາງການທູດຢ່າງເປັນປົກກະຕິກັບຈີນ, ອັນໄດ້ສະແດງໃຫ້ເນລັດທິເຈົ້າອຳນາດທີ່ບັງອາດ. ຈີນເຕືອນໃຫ້ອາເມລິກາຈົ່ງດັດແກ້ຄວາມຜິດພາດ, ບໍ່ໃຫ້ປະຕິບັດ “ມະຕິໄຕ້ເປ 2019”, ບໍ່ໃຫ້ຂັດຂວາງປະເທດຕ່າງໆໃນການພັດທະນາການພົວພັນກັບຈີນ, ຖ້າບໍ່ດັ່ງນັ້ນຈະໄດ້ຖືກຈີນຕອບໂຕ້ຄືນຢ່າງເດັດຂາດ.
ຄຳເຫັນ
0