ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ວັນທີ 27 ມີນານີ້, ທ່ານເກີງສວງ, ໂຄສົກກະຊວງການຕ່າງປະເທດຈີນໄດ້ກ່າວຢູ່ນະຄອນຫຼວງປັກກິ່ງວ່າ, ຈີນຮຽກຮ້ອງໃຫ້ບາງປະເທດຈົ່ງເຄົາລົບຕໍ່ສິດແລະຜົນປະໂຫຍດຢ່າງຊອບຕາມກົດໝາຍແລະຊີວິດການເປັນຢູ່ຂອງປະຊາຊົນທັງໝົດທີ່ຖືກຜົນກະທົບຈາກສະພາບພະຍາດ, ຍົກເລີກມາດຕະການການລົງໂທດຝ່າຍດຽວຕໍ່ປະເທດທີ່ກ່ຽວຂ້ອງ.
ຕາມການລາຍງານວ່າ, ທ່ານອານໂຕນີໂອ ກູເດເຣສ, ເລຂາທິການໃຫຍ່ອົງການສະຫະປະຊາຊາດກ່າວໃນກອງປະຊຸມສຸດຍອດວິສາມັນ G20 ໃນວັນທີ 26 ມີນານີ້ວ່າ, ທົ່ວໂລກຕ້ອງສູ້ກັບເຊື້ອພະຍາດ, ຮຽກຮ້ອງໃຫ້ຍົກເລີກການລົງໂທດທີ່ອາດຈະທຳລາຍການການສະກັດກັ້ນການແຜ່ລະບາດຂອງໂຄວິດ-19 ຂອງປະເທດຕ່າງໆ. ກ່ຽວກັບເລື່ອງນີ້, ທ່ານເກີງສວງກ່າວວ່າ: “ບາງປະເທດໄດ້ປະຕິບັດການລົງໂທດຝ່າຍດຽວຢູ່ນອກຂອບຂອງອົງການສະຫະປະຊາຊາດ, ໄດ້ລະເມີດຫຼັກການພື້ນຖານຂອງ “ກົດບັດສະຫະປະຊາຊາດ” ແລະກົດໝາຍສາກົນ. ຈີນເດັດດ່ຽວຄັດຄ້ານຕໍ່ເລື່ອງນີ້ໂດຍຕະຫຼອດ. ປັດຈຸບັນນີ້, ພະຍາດໂຄວິດ-19 ໄດ້ແຜ່ລະບາດຢູ່ທົ່ວໂລກ, ປະຊາຄົມໂລກຕັ້ງໜ້າຮ່ວມມືກັນຕໍ່ຕ້ານພະຍາດແມ່ນວຽກຮີບດ່ວນທີ່ສຸດ, ຖ້າວ່າສືບຕໍ່ລົງໂທດແຕ່ຝ່າຍດຽວຕໍ່ປະເທດທີ່ກ່ຽວຂ້ອງ, ເປັນການຝ່າຝືນນ້ຳໃຈມະນຸດສະທຳ, ບໍ່ພຽງແຕ່ມີຜົນກະທົບຢ່າງໜັກໜ່ວງຕໍ່ການຕໍ່ຕ້ານພະຍາດຂອງປະເທດທີ່ກ່ຽວຂ້ອງແລະປະຊາຄົມໂລກ, ຍັງຈະມີຜົນກະທົບຢ່າງໜັກໜ່ວງຕໍ່ອົງການສະຫະປະຊາຊາດແລະອົງການສາກົນອື່ນໆດຳເນີນການຊ່ວຍເຫຼືອດ້ານມະນຸດສະທຳ.
ຄຳເຫັນ
0