ວັນ​ທີ 29 ມີນາ​ນີ້, ທ່ານ​ສີ​ຈິ້ນ​ຜິ​ງ ​ເລຂາທິການ​ໃຫຍ່​ຄະນະ​ກຳມະການສູນ​ກາງ​ພັກ​ກອມ​ມູນິດ​ຈີນ​ໄດ້​ໄປ​ສຳ​ຫຼວດກວດ​ເບິ່ງ​ແຂວງ​ເຈີ້​ຈ່ຽງ. ຢູ່​ສູນບໍລິການການຄຸ້ມ​ຄອງ​ເຂດ​ນິຄົມ​ອາ​ໄຫຼ່​ລົດຍົນ​ເຕັກນິກ​ຂັ້ນ​ສູງ​ເປີ​ຍລຸນ​ຕ້າ​ຊີ້​ນະຄອນ​ນີງປົ່ວ, ທ່ານ​ສີ​ຈິ້ນ​ຜິ​ງ​ໄດ້​ໂອ້ລົມ​ກັບ​ຜູ້ຕາງໜ້າ​ວິ​ສາ​ຫະກິດຂະໜາດ​ກາງ ​ແລະ​ນ້ອຍ. ທ່ານ​ກ່າວ​ວ່າ: ​ໃນ​ການ​ຕ້ານ​ກັບພະຍາດ COVID-19, ກຸ່ມຄົນ, ວິ​ສາ​ຫະກິດ ​ແລະ​ຂະ​ແໜງການ​ຕ່າງໆລ້ວນ​ແຕ່​ໄດ້​ຮັບ​ຜົນ​ກະທົບ. ສູນ​ກາງ​ພັກ​ໄດ້​​ເອົາ​ໃຈ​ໃສ່ຕໍ່​ວິ​ສາ​ຫະກິດ​ຂະໜາດກາງ ​ແລະ​ນ້ອຍ, ​ໄດ້​ອອກ​ນະ​ໂຍບາຍ​ຢ່າງ​ເປັນ​ລະບົບ ທີ່​ສອດຄ່ອງ​ກັບ​ສະພາບ​ການ​ປ້ອງ​ກັນ​ພະຍາດ ​ເພື່ອ​ຫຼີກ​ເວັ້ນຜົນ​ກະທົບ​ຢ່າງ​ໜັກໜ່ວງ​ທີ່​ມີ​ຕໍ່ວິ​ສາ​ຫະກິດ​ຂະໜາດກາງ ​ແລະ​ນ້ອຍ​ ແລະ​ໃຫ້ສາມາດ​ມີ​ການ​ພັດທະນາ​ໃໝ່​ໄດ້.