ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ທ່ານ ເກີງຟູເໜີງ ຜູ້ແທນສະພາປະຊາຊົນແຫ່ງຊາດຈີນ,ປະທານກຸ່ມບໍລິສັດອຸດສາຫະກຳຢາຫາວຢີ່ເຊີ່ງກ່າວວ່າ: ການເຜີຍແຜ່ຄວາມຮູ້ດ້ານຢາແລະແພດແຜນຈີນຄວນເລີ່ມຈາກໄລຍະໄວເດັກນ້ອຍ,ເພື່ອເຮັດໃຫ້ຢາແລະແພດແຜນຈີນສາມາດເສີມຂະຫຍາຍບົດບາດໄດ້ເປັນຢ່າງດີກວ່າເກົ່າໃນຂົງເຂດສາທາລະນະສຸກ.
ທ່ານ ເກີງຟູເໜີງ ກ່າວວ່າ: ໃນຂະບວນການຕ້ານກັບການແຜ່ລະບາດຂອງພະຍາດໂຄວິດ-19 ຂອງຈີນ, ຢາແລະແພດແຜນຈີນໄດ້ເສີມຂະຫຍາຍບົດບາດສຳຄັນເປັນພິເສດ ເຊິ່ງເຮັດໃຫ້ຄົນທັງຫຼາຍມີຄວາມຮັບຮູ້ອັນໃໝ່ຕໍ່ຢາແລະແພດແຜນຈີນ. ເພື່ອໂຄສະນາເຜີຍແຜ່ຢາແລະແພດແຜນຈີນໃຫ້ໄດ້ດີກວ່າເກົ່າໃນຂົງເຂດສາທາລະນະສຸກ,ຄວນເຮັດໃຫ້ເດັກນ້ອຍທັງຫຼາຍສຳຜັດກັບວັດທະນະທຳຢາແລະແພດແຜນຈີນໂດຍເລີ່ມແຕ່ຕອນຮຽນຢູ່ຊັ້ນປະຖົມແລະມັດທະຍົມເປັນຕົ້ນໄປ,ເຊິ່ງມີຜົນດີຕໍ່ການສືບທອດແລະເຜີຍແຜ່ວັດທະນະທຳຢາແລະແພດແຜນຈີນ,ທັງມີຜົນດີຕໍ່ການບົ່ມສ້າງຄວາມໝັ້ນໃຈຕົນເອງດ້ານວັດທະນະທຳແລະມີຄວາມຮູ້ສຶກພາກພູມໃຈຕໍ່ຊົນຊາດຕົນ. ໃນຂະນະດຽວກັນ,ນັກຮຽນທັງຫຼາຍຍັງສາມາດເຮັດໃຫ້ພໍ່ແມ່ຂອງຕົນຮຽນຮູ້ໄດ້ນຳກັນ,ທັງສາມາດເປີດກວ້າງຂອບເຂດຂອງການເຜີຍແຜ່ຢາແລະແພດແຜນຈີນອີກທາງໜຶ່ງ.
ຄຳເຫັນ
0