ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວລາ 11 ໂມງຂອງວັນທີ 27 ພຶດສະພານີ້, ທີມປີນພູວັດແທກຄວາມສູງຂອງຈອມພູໂຈໂມລັງມາໄດ້ຂຶ້ນຮອດຈອມພູຢ່າງສຳເລັດຜົນ. ການຂຶ້ນສູ່ຈອມພູຄັ້ງນີ້, ກໍໄດ້ສ້າງສະຖິຕິໃໝ່ ທີ່ຄົນຈີນຢູ່ເທິງຈອມພູເປັນເວລາດົນທີ່ສຸດ. ທີມປີນພູວັດແທກຄວາມສູງຂອງຈອມພູໂຈໂມລັງມາເລີ່ມຂຶ້ນພູໃນຕອນບ່າຍວັນທີ 30 ເມສາຜ່ານມາ, ແລະ ໄປເຖິງຈອມພູຢ່າງສຳເລັດຜົນໃນວັນທີ 27 ພຶດສະພານີ້. ທີມປີນພູຈີນໄດ້ໃຊ້ເວລາເກືອບໜຶ່ງເດືອນ, ສະມາຊິກ 8 ຄົນໄດ້ຂຶ້ນຮອດຈອມພູອີກຄັ້ງໜຶ່ງ ເຊິ່ງຈະເປັນການຊີດຊູກຳລັງໃຈທີ່ສຸດ.
ເວົ້າຈາກຄວາມຈິງທາງພາວະວິໄສແລ້ວ, ຄວາມສູງຈາກໜ້ານ້ຳທະເລຂອງຈອມພູໂຈໂມລັງມາໄດ້ມີການປ່ຽນແປງທຸກປີ, ການວັດແທກຄວາມສູງຂອງຈອມພູໂຈໂມລັງມາ, ຈະຕ້ອງການໃຊ້ເຕັກນິກຂັ້ນສູງຫຼາຍໆຢ່າງ, ມີຄວາມສັບສົນແລະລຳບາກສົມຄວນ. ການວັດແທກຄວາມສູງຂອງຈອມພູໂຈໂມລັງມາຄັ້ງນີ້, ໄດ້ສ່ອງແສງໃຫ້ເຫັນເຖິງນ້ຳໃຈວິທະຍາສາດທີ່ມະນຸດເຮົາໄດ້ຄົ້ນຄວ້າໂລກທຳມະຊາດຕາມຫຼັກວິທະຍາສາດ, ຍິ່ງເປັນການທົດສອບລະດັບວິທະຍາສາດເຕັກໂນໂລຊີຂອງຈີນໃນດ້ານການວັດແທກ.
ພູສູງຊັນ, ເຮົາບໍ່ຢ້ານ, ມຸ້ງໜ້າຂຶ້ນສູ່ຈອມພູໂລດ! ໃນຂະບວນການເຄື່ອນໄຫວທີ່ຄົນຈີນພິຊິດຈອມພູໂຈໂມລັງມາ, ກໍແມ່ນຂະບວນການຫຍໍ້ທີ່ປະຊາຊົນຈີນສູ້ຊົນຜ່ານຜ່າຄວາມຫຍຸ້ງຍາກລຳບາກທຸກປະການ ນັບແຕ່ສະຖາປະນາ ສປ ຈີນເປັນຕົ້ນມາ. ຖ້າມີກຳລັງຈີນ ແລະ ນ້ຳໃຈຊົນຊາດຈີນ, ເຖິງຈອມພູຈະສູງປານໃດ, ເຮົາກໍສາມາດຂຶ້ນໄປໄດ້, ມີຄວາມຫຍຸ້ງຍາກລຳບາກປານໃດ, ເຮົາກໍຈະສາມາດຜ່ານຜ່າໄດ້ເຊັ່ນກັນ.
ຄຳເຫັນ
0