ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມຄັ້ງ 3 ຂອງສະພາປະຊາຊົນແຫ່ງຊາດສະໄໝທີ 13 ໄດ້ອັດລົງແລ້ວໃນວັນທີ 28 ພຶດສະພານີ້ຢູ່ນະຄອນຫຼວງປັກກິ່ງ. ໃນໄລຍະກອງປະຊຸມດັ່ງກ່າວ ຜູ້ເຂົ້າຮ່ວມໄດ້ລົງຄະແນນສຽງຮັບຮອງເອົາປະມວນກົດໝາຍແພ່ງ ໂດຍຈະເລີ່ມມີຜົນບັງຄັບໃຊ້ນັບແຕ່ວັນທີ 1 ມັງກອນປີ 2021 ເປັນຕົ້ນໄປ. ນີ້ແມ່ນປະມວນກົດໝາຍສະບັບທຳອິດຂອງ ສປ ຈີນ, ຈາກນີ້ເປັນຕົ້ນໄປ, ການຮັບປະກັນສິດແລະຜົນປະໂຫຍດທາງແພ່ງຂອງປະຊາຊົນຈີນ 1,4 ຕື້ຄົນຈະກ້າວເຂົ້າສູ່ຍຸກໃໝ່.
ທ່ານລີ້ຈ້ານຊູ່ ປະທານສະພາປະຊາຊົນແຫ່ງຊາດຈີນ ກ່າວວ່າ: ປະມວນກົດໝາຍແພ່ງທີ່ຜ່ານການຮັບຮອງໃນກອງປະຊຸມຄັ້ງນີ້ ເປັນຜົນສຳເລັດດ້ານນິຕິບັນຍັດທີ່ມີຄວາມໝາຍສຳຄັນເປັນຂີດໝາຍໃນການຊຸກຍູ້ການປົກຄອງປະເທດດ້ວຍກົດໝາຍຢ່າງຮອບດ້ານ ແລະ ການປັບປຸງລະບົບກົດໝາຍສັງຄົມນິຍົມທີ່ມີສີສັນພິເສດຂອງຈີນໃຫ້ສົມບູນຂຶ້ນ, ກົດໝາຍນີ້ຍ່ອມຈະສະໜອງການຮັບປະກັນທາງດ້ານລະບຽບກົດໝາຍແພ່ງທີ່ສົມບູນກວ່າເກົ່າໃຫ້ແກ່ການປະຕິຮູບແລະເປີດປະຕູສູ່ພາຍນອກ ແລະ ການສ້າງສາສັງຄົມນິຍົມທີ່ທັນສະໄໝໃນຍົກໃໝ່.
ປະມວນກົດໝາຍແພ່ງທີ່ຖືກຂະໜານນາມວ່າເປັນ “ສາລະໜ້າຮູ້ສຳລັບຊີວິດສັງຄົມ” ໄດ້ກ່ຽວພັນເຖິງສິດທາງແພ່ງຕ່າງໆ ເຊັ່ນ: ສິດຕໍ່ວັດຖຸ, ສິດສ່ວນບຸກຄົນ, ການແຕ່ງງານ, ສິດໃນຄອບຄົວ, ການສືບທອດມໍລະດົກ, ຄວາມຮັບຜິດຊອບກໍລະນີທີ່ໄດ້ລ່ວງລະເມີດສິດຂອງຜູ້ອື່ນ ແລະອື່ນໆ, ໄດ້ລວມມີ 7 ໝວດ 1.260 ມາດຕາ ເຊິ່ງແມ່ນກົດໝາຍສະບັບໜຶ່ງທີ່ມີຂໍ້ມາດຕາຫຼາຍທີ່ສຸດຂອງຈີນ.
ຄຳເຫັນ
0