ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ມິຖຸນານີ້, ຜູ້ເປັນພະຍາດໂຄວິດ-19 ໃນປະເທດລາວຜູ້ສຸດທ້າຍ ໄດ້ຮັບການປິ່ນປົວໃຫ້ຫາຍຂາດແລະອອກໂຮງໝໍແລ້ວ. ມາຮອດປັດຈຸບັນນີ້, ຜູ້ຖືກບົ່ງມະຕິເປັນພະຍາດໂຄວິດ-19 ທັງໝົດ 19 ກໍລະນີໃນປະເທດລາວ ລ້ວນແຕ່ໄດ້ຮັບການປິ່ນປົວໃຫ້ຫາຍຂາດແລະອອກໂຮງໝໍໝົດແລ້ວ.
ວັນທີ 24 ມີນາປີນີ້, ກະຊວງສາທາລະນະສຸກລາວ ໄດ້ປະກາດຜົນຂອງການກວດພົບຜູ້ເປັນພະຍາດດັ່ງກ່າວ 2 ກໍລະນີ, ໃນສະພາບການດັ່ງກ່າວ, ລັດຖະບານລາວໄດ້ໃຊ້ມາດຕະການປ້ອງກັນແລະຄວບຄຸມພະຍາດທີ່ເຂັ້ມງວດທີ່ສຸດໃນປະເທດລາວ. ໃນຂະນະທີ່ເຮັດໃຫ້ວຽກງານປ້ອງກັນແລະຄວບຄຸບພະຍາດມີການຮັບປະກັນນັ້ນ, ລັດຖະບານລາວກໍໄດ້ສຸມທຸກຄວາມພະຍາຍາມ ເພື່ອຮັບປະກັນຊີວິດການເປັນຢູ່ ແລະ ການຜະລິດຂອງປະຊາຊົນໃຫ້ເປັນປົກກະຕິ. ມາຮອດວັນທີ 9 ມິຖຸນານີ້, ປະເທດລາວໄດ້ບັນລຸເປົ້າໝາຍ ທີ່ບໍ່ມີຜູ້ເປັນພະຍາດເພີ່ມໃໝ່ເປັນ 58 ມື້ລຽນຕິດ. ນີ້ແມ່ນຜົນສຳເລັດເປັນກ້າວໆ ທີ່ລັດຖະບານແລະປະຊາຊົນລາວຍາດມາໄດ້ ພາຍໃຕ້ຄວາມພະຍາຍາມທີ່ເປັນຈິດໜຶ່ງໃຈດຽວກັນ ເຊິ່ງໄດ້ສ່ອງແສງໃຫ້ເຫັນວ່າ, ລັດຖະບານລາວມີນ້ຳໃຈຮັບຜິດຊອບສູງ ແລະ ໄດ້ເອົາໃຈໃສ່ໃນລະດັບສູງຕໍ່ຄວາມປອດໄພດ້ານຊີວິດ ແລະ ສຸຂະພາບທາງຮ່າງກາຍຂອງປະຊາຊົນປະເທດຕົນ.
ແຕ່ວ່າ, ໃນທະວີບອາຊີ ຍັງມີບາງປະເທດຍັງມີການແຜ່ລະບາດຂອງພະຍາດໂຄວິດ-19 ທີ່ອ່າວໜັກໜ່ວງ ເຊັ່ນ: ເຂດນະຄອນຫຼວງເຊອຸນປະເທດສ.ເກົາຫຼີ ໄດ້ເກີດມີການແຜ່ລະບາດຂອງພະຍາດຍ້ອນຊຸມນຸມກັນ, ອາດຈະເຮັດໃຫ້ພະຍາດດັ່ງກ່າວລະບາດຂຶ້ນອີກຄັ້ງໃໝ່; ວັນທີ 9 ມິຖຸນານີ້, ຜູ້ເປັນພະຍາດໃນອິນໂດເນເຊຍໄດ້ເພີ່ມໃໝ່ 1043 ກໍລະນີ, ເປັນມື້ທຳອິດ ທີ່ຜູ້ເປັນພະຍາດໄດ້ເພີ່ມຂຶ້ນຫຼາຍກວ່າພັນຄົນ ນັບແຕ່ເກີດການແຜ່ລະບາດຂອງພະຍາດເປັນຕົ້ນມາ. ເມື່ອສະພາບເປັນແບບນີ້, ຍັງມີການແຜ່ລະບາດຂອງພະຍາດໃນອາຊີໄດ້ເຕືອນໃຫ້ພວກເຮົາຮູ້ວ່າ, ເຖິງວ່າຜູ້ເປັນພະຍາດໃນປະເທດລາວບໍ່ມີແລ້ວ, ແຕ່ພວກເຮົາກໍຍັງຄວນຮັກສາສະຕິລະວັງຕົວກ່ຽວກັບພະຍາດນີ້ຄືເກົ່າ, ຄວນຮັກສາການປະພຶດທີ່ດີໃນຊີວິດປະຈຳວັນ, ຕັດຊ່ອງທາງການແຜ່ລະບາດຂອງພະຍາດ ເພື່ອຮັບປະກັນໃຫ້ການປ້ອງກັນແລະຄວບຄຸມພະຍາດໄດ້ຮັບໄຊຊະນະໃນທີ່ສຸດ.
ຄຳເຫັນ
0