ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດອາຊຽນຄັ້ງທີ 36 ໄດ້ຈັດຂຶ້ນຜ່ານທາງວິດີໂອໃນວັນທີ 26 ມິຖຸນານີ້. ໃນຖະແຫຼງການປະທານຂອງກອງປະຊຸມທີ່ເປີດເຜີຍໃນວັນທີ 27 ມິຖຸນານີ້, ບັນດາຝ່າຍທີ່ຮ່ວມປະຊຸມກ່າວວ່າ: ອາຊຽນມີຄວາມຄອງຄອຍໜ້າຢາກເຊັນສັນຍາວ່າດ້ວຍການພົວພັນຄູ່ຮ່ວມມືເສດຖະກິດຮອບດ້ານຂອງພາກພື້ນ(RCEP)ກ່ອນທ້າຍປີນີ້.
ໃນຖະແຫຼງການອີກສະບັບໜຶ່ງທີ່ເຜີຍແຜ່ໃນວັນທີ 26 ມິຖຸນານີ້, ຜູ້ນຳທີ່ເຂົ້າຮ່ວມກອງປະຊຸມໄດ້ເຫັນດີຈະສຸມທຸກຄວາມພະຍາຍາມຈົນສຸດຄວາມສາມາດຂອງຕົນເພື່ອບັນລຸການເຊັນສັນຍາ RCEP ທີ່ທັນສະໄໝ, ຮອບດ້ານ, ມີຄຸນນະພາບສູງແລະຕ່າງຝ່າຍຕ່າງມີຜົນປະໂຫຍດພາຍໃນປີນີ້, ພ້ອມທັງໄດ້ສະແດງຄຳໝັ້ນສັນຍາທີ່ເດັດດ່ຽວໜຽວແໜ້ນຂອງອາຊຽນກໍຄືຄູ່ເຈລະຈາໃນການປົກປັກຮັກສາການເປີດປະຕູ, ກວມລວມ, ລະບົບການຄ້າຫຼາຍຝ່າຍຕາມກົດກະຕິຕາ.
RCEP ໄດ້ລິເລີ່ມຂຶ້ນໂດຍ 10 ປະເທດອາຊຽນ, ແລະໄດ້ເຊື້ອເຊີນຈີນ, ຍີ່ປຸ່ນ, ສ.ເກົາຫຼີ, ອົສຕຣາລີ, ນູແວັນເຊລັງແລະອິນເດຍທັງໝົດ 6 ປະເທດຄູ່ເຈລະຈາເຂົ້າຮ່ວມ. ກອງປະຊຸມຜູ້ນຳ RCEP ຄັ້ງທີ 3 ໄດ້ຈັດຂຶ້ນຢູ່ນະຄອນຫຼວງບາງກອກປະເທດໄທໃນເດືອນພະຈິກປີ 2019 ແລະໄດ້ອອກຖະແຫຼງການຮ່ວມ ໂດຍໄດ້ປະກາດວ່າ: 15 ປະເທດໄດ້ສິ້ນສຸດການເຈລະຈາກ່ຽວກັບເນື້ອໃນສັນຍາເປັນລາຍລັກອັກສອນທັງໝົດກໍຄືການເຈລະຈາກ່ຽວກັບການອະນຸມັດໃຫ້ເຂົ້າເຖິງຕະຫຼາດທີ່ເປັນຮູບປະທຳ.
ຄຳເຫັນ
0