ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ກໍລະກົດນີ້ ແມ່ນວັນລະນຶກສາທາລະນະລັດປະຊາຊົນຈີນສ້າງສາຍພົວພັນທາງການທູດຢ່າງເປັນທາງການກັບລາຊະອະນາຈັກໄທຄົບຮອບ 45 ປີ, ທ່ານດອນ ປຣະມະວິໄນ ລັດຖະມົນຕີກະຊວງການຕ່າງປະເທດໄທໄດ້ກ່າວຄຳຊົມເຊີຍກ່ຽວກັບເລື່ອງນີ້.
ໃນຄຳຊົມເຊີຍ, ທ່ານດອນ ປຣະມະວິໄນກ່າວວ່າ: ຈາກການສ້າງຕັ້ງສາຍພົວພັນທາງການທູດມາຮອດການສ້າງເປັນສາຍພົວພັນຄູ່ຮ່ວມຍຸດທະສາດຮອບດ້ານໄທ-ຈີນໃນມື້ນີ້, ການພົວພັນລະຫວ່າງສອງປະເທດໄດ້ມີການພັດທະນາເປັນຢ່າງດີບໍ່ວ່າໃນດ້ານລັດຖະບານຫຼືໃນດ້ານປະຊາຊົນ. ການຮ່ວມມືແລະການແລກປ່ຽນຂອງສອງຝ່າຍໃນຂົງເຂດການຄ້າ ການລົງທຶນ ການທ່ອງທ່ຽວ ການສຶກສາ ວັດທະນະທຳ ແລະຮູບເງົາໂທລະພາບເປັນຕົ້ນໄດ້ນັບມື້ນັບກ້າວສູ່ລວງເລິກ, ແລະຂະຫຍາຍໄປຮອດການຮ່ວມມືໃນຂະແໜງການວິທະຍາສາດເຕັກນິກແລະການປະດິດສ້າງໃໝ່.
ທ່ານດອນ ປຣະມະວິໄນກ່າວວ່າ, ໃນໄລຍະຮ່ວມກັນຕ້ານກັບພະຍາດໂຄວິດ-19 ນັ້ນ, ໄທ-ຈີນເບິ່ງແຍງຊ່ວຍເຫຼືອເຊິ່ງກັນແລະກັນ, ຮ່ວມກັນຜ່ານຜ່າຄວາມຫຍຸ້ງຍາກ, ໄດ້ສະແດງໃຫ້ເຫັນຄວາມຮັກແພງອັນຈິງໃຈທີ່ເປັນຄອບຄົວດຽວກັນ. ເຊື່ອໝັ້ນວ່າ ບົນພື້ນຖານການພົວພັນຮ່ວມມືໄມຕີຈິດອັນພິເສດນີ້, ອະນາຄົດຂອງການພົວພັນໄທ-ຈີນຈະມີການພັດທະນາຫຼາຍກວ່າເກົ່າ, ແລະຈະນຳເອົາຄວາມສຸກໃຫ້ແກ່ສອງປະເທດ ກໍຄືພາກພື້ນຕົນແລະທົ່ວໂລກຫຼາຍກວ່າເກົ່າ.
ຄຳເຫັນ
0