ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ກໍລະກົດນີ້, ທ່ານເຕໂດຼສ ຜູ້ອຳນວຍການໃຫຍ່ອົງການອະນາໄມໂລກກ່າວໃນກອງປະຊຸມຂ່າວວ່າ: ເຖິງວ່າປັດຈຸບັນຍັງບໍ່ມີວັກແຊງໂຄວິດ-19 ທີ່ບັງເກີດຜົນ, ແຕ່ຄວນມີທ່າທີເຫັນໄປໃນແງ່ດີຕໍ່ເລື່ອງນີ້. ອົງການອະນາໄມໂລກໄດ້ແລກປ່ຽນຄຳເຫັນກັບວົງການວິຊາການກ່ຽວກັບບັນຫາການຜະລິດຢາວັກແຊງໃນອະນາຄົດ, ຮຽກຮ້ອງໃຫ້ວົງການວິຊາການວາງແຜນໃຫ້ດີ, ເພື່ອຍົກສູງຄວາມສາມາດໃນການສະໜອງຢາວັກແຊງໃນອະນາຄົດ ໂດຍຜ່ານການໂອນເຕັກນິກຫຼືໃຫ້ສຳປະທານ, ເພື່ອຮັບປະກັນການແບ່ງປັນຢ່າງຍຸດຕິທຳ.
ທ່ານມີແກວ ຢູອັນ ຫົວໜ້າໂຄງການສຸກເສີນຂອງອົງການອະນາໄມໂລກກ່າວວ່າ: ເຖິງວ່າໃນປັດຈຸບັນ ການມອບຮັບຢາວັກແຊງຍັງບໍ່ມີເວລາອັນຈະແຈ້ງເທື່ອ, ແຕ່ຮອດທ້າຍປີນີ້ ອາດຈຸມີຢາວັກແຊງບັງເກີດຜົນໃນການປິ່ນປົວເຊື້ອໄວຣັດໂຄວິດ-19, ແຕ່ບັນຫາແທ້ຈິງນັ້ນແມ່ນ: ຄວາມສາມາດການຜະລິດຢາວັກແຊງໃນປີ 2021 ຈະຕອບສະໜອງກັບຄວາມຕ້ອງການອັນມະຫາສານໃນທົ່ວໂລກໄດ້ຫຼືບໍ່?
ໂດຍແນໃສ່ບາງປະເທດຍົກເລີກມາດຕະການຈຳກັດໃນການປ້ອງກັນພະຍາດເປັນເທື່ອລະກ້າວໃນໄລຍະມໍ່ໆມານີ້, ແລະເປີດຊາຍແດນຄືນໃໝ່, ທ່ານມີແກວ ຢູອັນກ່າວວ່າ: ອີກບໍ່ດົນ, ອົງການອະນາໄມໂລກຈະປັບປຸງການແນະນຳກ່ຽວກັບການຄຸ້ມຄອງຊາຍແດນແລະການຄົມມະນາຄົມຂ້າມຊາຍແດນໃນໄລຍະພະຍາດແຜ່ລະບາດ, ເພື່ອເປັນທີ່ປຶກສາໃຫ້ແກ່ປະເທດຕ່າງໆ.
ຄຳເຫັນ
0