ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງຈາກສະພາບຂ້ຽວຂາດໃນການປ້ອງກັນໄພນ້ຳຖ້ວມຢູ່ແມ່ນ້ຳຢາງຊີຈ່ຽງໃນປັດຈຸບັນ, ເວລາ 12 ໂມງຂອງວັນທີ 4 ກໍລະກົດນີ້, ຄະນະກຳມະການຊົນລະປະທານແມ່ນ້ຳຢາງຊີຈ່ຽງຂອງກະຊວງຊົນລະປະທານຈີນໄດ້ຍົກລະດັບຮັບມືສຸກເສີນຂອງການປ້ອງກັນໄພນ້ຳຖ້ວມຂອງແມ່ນ້ຳຢາງຊີຈ່ຽງຈາກລະດັບທີ 4 ຂຶ້ນເປັນລະດັບທີ 3 , ພ້ອມທັງຮຽກຮ້ອງໃຫ້ພະແນກຊົນລະປະທານຂອງເຂດແຂວງທີ່ກ່ຽວຂ້ອງຕ່າງໆເຮັດວຽກຕິດຕາມແລະພະຍາກອນໃຫ້ດີ, ເນັ້ນການຈັດສັນໂຄງການນ້ຳຕາມຫຼັກວິທະຍາສາດ, ເພີ່ມທະວີການລາດຕະເວນແລະເຝົ້າຮັກສາໂຄງການປ້ອງກັນນ້ຳຖ້ວມ, ສຸມກຳລັງເຮັດວຽກປ້ອງກັນໃຫ້ດີ, ເພື່ອຮັບປະກັນຄວາມປອດໄພດ້ານຊີວິດຂອງປະຊາຊົນທ້ອງຖິ່ນ.
ທ່ານຕິ່ງເຊິ້ງສຽງ ຫົວໜ້າຫ້ອງການບັນຊາການຂອງກົມປ້ອງກັນໄພນ້ຳຖ້ວມໄພແຫ້ງແລ້ງຂອງຄະນະກຳມະການແມ່ນ້ຳຢາງຊີຈ່ຽງເວົ້າວ່າ: ການຍົກລະດັບຮັບມືສຸກເສີນຂຶ້ນເປັນອັນດັບ 3 ແມ່ນກ່ຽວພັນເຖິງບາງເຂດຂອງແຂວງກຸ້ຍໂຈ່ວ, ນະຄອນຈູ່ງກິ່ງ, ແຂວງຫູເປີຍ, ແຂວງຫູໜານ, ແຂວງຈ່ຽງຊີ່, ແຂວງອ່ານຮຸ່ຍ ແລະແຂວງຈ່ຽງຊູ່. ອີງຕາມການຈັດວາງຂອງກະຊວງຊົນລະປະທານ, ວັນທີ 5 ກໍລະກົດນີ້, ຄະນະກຳມະການແມ່ນ້ຳຢາງຊີຈ່ຽງຈະສົ່ງທິມງານ 2 ໜ່ວຍໄປນະຄອນຈຸ່ງກິ່ງແລະແຂວງຫູເປີຍ ເພື່ອຊີ້ນຳນຳພາວຽກງານປ້ອງກັນໄພນ້ຳຖ້ວມ.
ຄຳເຫັນ
0