ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງກ່ອນນີ້ບໍ່ດົນ, ກະຊວງການຕ່າງປະເທດລາວໄດ້ອອກຖະແຫຼງການ ໂດຍກ່າວວ່າ ລາວສະແດງຄວາມຊົມເຊີຍ ທັງເດັດດ່ຽວສະໜັບສະໜູນຈີນທີ່ໄດ້ຮັບຮອງ ກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງ, ເຊື່ອວ່າການເລີ່ມຈັດຕັ້ງປະຕິບັດກົດໝາຍດັ່ງກ່າວຈະຮັບປະກັນໃຫ້ຮົງກົງສາມາດຮັກສາຄວາມຈະເລີນຮຸ່ງເຮືອງ ແລະ ຄວາມໝັ້ນຄົງຍາວນານ. ໂຄສົກກະຊວງການຕ່າງປະເທດຫວຽດນາມກໍກ່າວວ່າ, ຫວຽດນາມເຄົາລົບ ແລະ ສະໜັບສະໜູນແນວທາງ “ປະເທດດຽວ ສອງລະບອບ” ກົດໝາຍພື້ນຖານ ແລະ ກົດໝາຍກົດລະບຽບທີ່ກ່ຽວຂ້ອງຂອງຈີນ, ຫວັງວ່າປະເທດອື່ນກໍຈະໃຫ້ການເຄົາລົບເຊັ່ນກັນ.
ກ່ຽວກັບເລື່ອງນີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວວ່າ, ຈີນຕີລາຄາສູງຕໍ່ລາວ ແລະ ຫວຽດນາມທີ່ເດັດດ່ຽວສະໜັບສະໜູນຈີນຮັບຮອງ ແລະ ປະກາດໃຊ້ “ກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ເຂດບໍລິຫານພິເສດຮົງກົງຂອງສປຈີນ”. ນີ້ສະແດງໃຫ້ເຫັນວ່າປະຊາຄົມໂລກມີຄວາມເປັນທຳ, ເຈຕະນາຂອງບາງປະເທດຕາເວັນຕົກທີ່ ຢາກສວຍໃຊ້ເລື່ອງນີ້ເພື່ອໃສ່ຮ້າຍປ້າຍສີຈີນນັ້ນຈະບໍ່ໄດ້ຜົນຫຍັງເລີຍ.
ຫວ່າງກ່ອນນີ້ບໍ່ດົນ, 70 ກວ່າປະເທດ ເຊິ່ງລວມທັງ ລາວ ຫວຽດນາມ ແລະປະເທດອື່ນໆໄດ້ສະແດງທ່າທີສະໜັບສະໜູນການອອກກົດໝາຍທີ່ກ່ຽວຂ້ອງຂອງຈີນຢູ່ໃນກອງປະຊຸມຄັ້ງທີ 44 ຂອງສະພາມົນຕີສິດທິມະນຸດອົງການສະຫະປະຊາຊາດ, ທັງຮຽກຮ້ອງໃຫ້ປະເທດທີ່ກ່ຽວຂ້ອງຈົ່ງຢຸດຕິການສວຍໃຊ້ບັນຫາທີ່ກ່ຽວຂ້ອງກັບຮົງກົງເພື່ອແຊກແຊງວຽການພາຍໃນຂອງຈີນໃນທັນທີ.
ທ່ານມາຕິນ ຊັກສ ນັກວິຊາການທີ່ມີ ຊື່ສຽງຂອງອັງກິດໄດ້ຂຽນບົດຄວາມ ລົງໃນທະວີດເຕີລຽນຕິດ ໂດຍໄດ້ຕຳໜິຕິຕຽນປະເທດຕາເວັນຕົກທີ່ຂັດຂວາງກົດ ໝາຍວ່າດ້ວຍການຮັກສາຄວາມໝ້ັນຄົງແຫ່ງຊາດຢູ່ຮົງກົງຂອງຈີນຢ່າງເປີດເຜີຍ. ທ່ານມາຕິນກ່າວວ່າ: “ປະເທດດຽວສອງລະບອບ” ກໍແມ່ນແນວຄວາມຄິດທີ່ຍິ່ງ ໃຫຍ່. ນີ້ແມ່ນແນວຄວາມຄິດຂອງຈີນ, ບໍ່ແມ່ນຂອງອັງກິດ. ເຂົາເຈົ້າຖືຮົງກົງເປັນ ຂອງໂລກຕາເວັນຕົກ, ແຕ່ທີ່ຈິງແລ້ວຮົງກົງເປັນຂອງຈີນ ຈິ່ງເຮັດໃຫ້ວຽກງານພາຍ ໃນຮົງກົງຈີນຖືກຂັດຂວາງຢູ່ເລື້ອຍໆ. ແຕ່ປັດຈຸບັນ, ທຸກສິ່ງຢ່າງທີ່ເຂົາເຈົ້າຫຼົງຄິດ ໄປນັ້ນໄດ້ຢຸດຕິແລ້ວ, ຈີນໄດ້ຮັກສາອະທິປະໄຕເທິງດິນແດນຮົງກົງດ້ວຍກົດໝາຍ ວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງຂອງຈີນ.
ວັນທີ 30 ມິຖຸນາຜ່ານມາ, ຄະນະປະຈຳສະພາປະຊາຊົນແຫ່ງຊາດຈີນໄດ້ ຮັບຮອງ“ກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ເຂດບໍລິຫານພິເສດຮົງກົງຂອງສປຈີນ”, ມື້ດຽວກັນ, ທ່ານສີຈິ້ນຜິງ ປະທານປະເທດຈີນໄດ້ລົງນາມໃນລັດຖະດຳລັດເພື່ອປະກາດໃຊ້ກົດໝາຍດັ່ງກ່າວ.
ກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງໄດ້ສະແດງໃຫ້ເຫັນເຖິງຄວາມປາຖະໜາຮ່ວມຂອງປະຊາຊົນຈີນ 1,4 ຕື້ກວ່າຄົນ ໃນການແກ້ໄຂຂໍ້ບົກຜ່ອງດ້ານກົດໝາຍ ກົດລະບຽບ ແລະ ຈຸດອ່ອນດ້ານການປະຕິບັດງານໃນການຮັກສາຄວາມໝັ້ນຄົງແຫ່ງຊາດຢູ່ຮົງກົງຢ່າງແທ້ຈິງ,ທັງໄດ້ສະແດງໃຫ້ເຫັນເຖິງຄວາມປາຖະໜາຮ່ວມຂອງພີ່ນ້ອງຮ່ວມຊາດຮົງກົງຈຳນວນຫຼວງຫຼາຍ. ກໍຄືດັ່ງທີ່ທ່ານສີຈິ້ນຜິງກ່າວວ່າ: “ການປົກປ້ອງອະທິປະໄຕຂອງຊາດ ແລະ ຜືນແຜ່ນດິນອັນຄົບຖ້ວນ, ການບັນລຸຄວາມເປັນເອກະພາບຢ່າງສົມບູນຂອງປະເທດຊາດ, ແມ່ນຄວາມມຸ່ງຫວັງຮ່ວມຂອງລູກຫຼານປະຊາຊາດຈີນທັງປວງ, ທັງເປັນພື້ນຖານຂອງຜົນປະໂຫຍດຕົ້ນຕໍຂອງປະຊາຊາດຈີນ. ຢູ່ຕໍ່ໜ້າຜົນປະໂຫຍດລວມຂອງຊາດ ແລະ ກະແສລວມຂອງປະຫວັດສາດ, ການກະທຳ ແລະ ເລ່ກົນໃດໆທີ່ມີເຈຕະນາແບ່ງແຍກປະເທດຊາດຈະປະສົບກັບຄວາມປະລາໄຊຢ່າງແນ່ນອນ! ປະຊາຊົນຈີນມີຈິດໃຈເດັດດ່ຽວ, ມີຄວາມໝັ້ນໃຈຢ່າງເຕັມປ່ຽມ, ແລະ ມີຄວາມສາມາດຢ່າງພຽງພໍທີ່ຈະເອົາຊະນະການກະທຳທຸກຢ່າງທີ່ແບ່ງແຍກປະເທດ! ປະຊາຊົນຈີນ ແລະ ປະຊາຊາດຈີນມີຈິດສຳນຶກຮ່ວມກັນຢ່າງໜຶ່ງ ກໍຄື: ຜືນແຜ່ນດິນທຸກສ່ວນຂອງປະເທດຊາດອັນຍິ່ງໃຫຍ່ຂອງພວກເຮົາ, ບໍ່ປ່ອຍປະໃຫ້ໃຜ ແລະ ກໍບໍ່ມີໃຜສາມາດຕັດແຍກອອກຈາກປະເທດຈີນໄດ້ຢ່າງເດັດຂາດ.”
ຄຳເຫັນ
0