ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໜ່ວຍຊ່ຽວຊານຂອງມະຫາວິທະຍາໄລຂອງລັດຖະບານກາງໃນແຊນຕາ ຄາຕາຣິນາ ປະເທດບຣາຊີນໄດ້ປະກາດໃນວັນທີ 2 ກໍລະກົດນີ້ວ່າ: ຈາກຜົນການວິໄຈຕົວຢ່າງນ້ຳໃນຮ່ອງລະບາຍນ້ຳແບບປິດລະຫວ່າງເດືອນຕຸລາປີ2019ຫາເດືອນມີນາປີ 2020ນີ້ຢູ່ນະຄອນຟຣໍຣີອາໂນໂປລີສ ເທດສະບານລັດແຊນຕາ ຄາຕາຣິນາປະເທດບຣາຊີນໄດ້ພົບວ່າ: ໃນຕົວຢ່າງນ້ຳໃນຮ່ອງລະບາຍນ້ຳແບບປິດໃນເດືອນພະຈິກປີ2019ຜ່ານມາກໍມີເຊື້ອພະຍາດໂຄວິດ-19ແລ້ວ. ຜົນກວດພົບດັ່ງກ່າວເມື່ອທຽບໃສ່ກໍລະນີທຳອິດທີ່ອາເມຣິກາປະກາດຜົນຢ່າງເປັນທາງການກ່ຽວກັບຜົນການບົ່ງມະຕິຜູ້ເປັນພະຍາດໂຄວິດ-19 ຢູ່ແຜ່ນດິນໃຫຍ່ໃນທະວີບອາເມຣິກາເມື່ອວັນທີ 21 ມັງກອນປີນີ້ແລ້ວແມ່ນເກີດຂຶ້ນລ່ວງໜ້າຫຼາຍກວ່າ 2 ເດືອນ.
ເຊິ່ງຜົນກວດພົບດັ່ງກ່າວໄດ້ກາຍເປັນຫຼັກຖານທີ່ແໜ້ນໜາອີກຢ່າງໜຶ່ງທີ່ຢັ້ງຢືນໃຫ້ເຫັນວ່າ ຈຸດເວລາເກີດພະຍາດໂຄວິດ-19 ຢູ່ຫຼາຍປະເທດແມ່ນເກີດຂຶ້ນກ່ອນເວລາທີ່ຝ່າຍທາງການປະກາດຢ່າງຫຼວງຫຼາຍ.
ຍີ່ປຸ່ນໄດ້ກວດພົບພູມຕ້ານທານເຊື້ອພະຍາດໂຄວິດ-19 ໃນເລືອດຂອງຜູ້ບໍລິຈາກໃນຕົ້ນປີ2019.
ແອັສປາຍໄດ້ກວດພົບເຊື້ອພະຍາດໂຄວິດ-19 ໃນນ້ຳເສຍໃນເດືອນມີນາປີ 2019.
ຕາມສື່ມວນຊົນອາເມຣິກາລາຍງານວ່າ: ທ່ານໄມເຄີນ ເມວຮາມ ເຈົ້າຄອງນະຄອນແບວວິວ ລັດ ນີວເຈີຊີ ອາເມຣິກາຢືນຢັນວ່າຕົນໄດ້ຕິດເຊື້ອພະຍາດໂຄວິດ-19ໃນເດືອນພະຈິກປີ 2019. ຜົນກວດຫາເຊື້ອຫຼ້າສຸດທີ່ຕົນໄດ້ຮັບນັ້ນສະແດງໃຫ້ເຫັນວ່າ ຕົນໄດ້ມີພູມຕ້ານທານເຊື້ອພະຍາດໂຄວິດ- 19.
ເດືອນພະຈິກປີ 2019, ຝຣັ່ງມີຜູ້ຖືກສົງໄສເປັນພະຍາດໂຄວິດ- 19 ເຂົ້າປິ່ນປົວຢູ່ໂຮງໝໍ.
ເດືອນທັນວາປີ 2019, ອີຕາລີໄດ້ກວດພົບເຊື້ອພະຍາດໂຄວິດ-19 ຈາກນ້ຳເປື້ອນ.
ທີມງານຄົ້ນຄວ້າວິທະຍາສາດອັງກິດໄດ້ຢືນຢັນວ່າ ທ້າຍປີ 2019, ເຊື້ອພະຍາດໂຄວິດ-19 ອາດໄດ້ເລີ່ມແຜ່ລະບາດແລ້ວ.
ເຖິງຈະມີນັກວິທະຍາສາດໄດ້ກ່າວວ່າ: ມັນຍັງໄວເກີນໄປທີ່ຈະຢືນຢັນວ່າພະຍາດເກີດຂຶ້ນໃນເວລາໃດຈາກຜົນການກວດການ້ຳເສຍກໍຕາມ, ແຕ່ການກວດຫາເຊື້ອຈາກນ້ຳເສຍໄດ້ກາຍເປັນວິທີຕິດຕາມວັດແທກທີ່ຫຼາຍປະເທດໄດ້ນຳໃຊ້ແລ້ວເຊັ່ນແຟງລັງ,ອົສຕຣາລີ. ຜູ້ຊ່ຽວຊານແອັສປາຍກໍຢືນຢັນວ່າ: ການຄົ້ນຄວ້າຈາກຜົນກວດນ້ຳເສຍຈະເປັນທິດທາງໃໝ່ສຳລັບການຄົ້ນຄວ້າການແຜ່ລະບາດຂອງເຊື້ອພະຍາດ.
ຄຳເຫັນ
0