ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ກໍລະກົດນີ້, ອົງການປົກຄອງເຂດບໍລິຫານພິເສດຮົງກົງຈີນກ່າວວ່າ, ໄດ້ເດັດດ່ຽວຄັດຄ້ານຖ້ອຍຄຳຂອງທ່ານແຮນສະຄອມ ສະມິດ ກົງສຸນໃຫຍ່ອາເມຣິກາປະຈຳຮົງກົງຈີນທີ່ເວົ້າຢ່າງເປີດເຜີຍກ່ຽວກັບ “ກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງ”.
ໂຄສົກ ອົງການປົກຄອງເຂດບໍລິຫານພິເສດຮົງກົງກ່າວວ່າ, ຄວາມໝັ້ນຄົງແຫ່ງຊາດຂຶ້ນກັບສິດການປົກຄອງຂອງລັດຖະບານກາງ, ສະພາປະຊາຊົນແຫ່ງຊາດຈີນໃນຖານະເປັນອົງການອຳນາດສູງສຸດແຫ່ງຊາດຈີນ, ມີສິດ ແລະ ໜ້າທີ່ຕາມທີ່ລັດຖະທຳມະນູນກຳນໄດໄວ້ໃນການອອກກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດໃຫ້ແກ່ອົງການປົກຄອງເຂດບໍລິຫານພິເສດ, ສຳລັບກົດໝາຍດັ່ງກ່າວກໍໄດ້ພິຈາລະນາເຖິງສະພາບຄວາມເປັນຈິງຂອງຮົງກົງແລ້ວ.
ໂຄສົກທ່ານນີ້ຍັງຊີ້ໃຫ້ເຫັນວ່າ, ການອອກກົດໝາຍແມ່ນບາດກ້າວໜຶ່ງທີ່ສຳຄັນໃນການປັບປຸງ ນະໂຍບາຍ“ປະເທດດຽວ ສອງລະບອບ”ໃຫ້ສົມບູນກວ່າເກົ່າ, ເປັນຂໍ້ຕົກລົງທີ່ຈຳເປັນ ແລະ ທັນເວລາເພື່ອຟື້ນຟູສະຖຽນລະພາບຂອງສັງຄົມຮົງກົງໂດຍໄວ, ຈະບໍ່ກະທົບເຖິງການປົກຄອງຕົນເອງໃນລະດັບສູງ ຄວາມເປັນອິດສະຫຼະດ້ານຕຸລາການ ແລະ ການປົກຄອງຕາມກົດໝາຍຢູ່ຮົງກົງ. ທັງກ່າວຕື່ມວ່າ, ອາເມຣິກາກໍໄດ້ອອກກົດໝາຍວ່າດ້ວຍຄວາມໝັ້ນຄົງແຫ່ງຊາດໃຫ້ແກ່ປະເທດຕົນ, ແຕ່ບໍ່ເຄີຍໄດ້ຍິນວ່າການອອກກົດໝາຍທີ່ກ່ຽວຂ້ອງໄດ້ກະທົບເຖິງການພັດທະນາເສດຖະກິດ ແລະ ສະພາບແວດລ້ອມດ້ານການດຳເນີນທຸລະກິດຂອງອາເມຣິກາ.
ຄຳເຫັນ
0