ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ກໍລະກົດນີ້, ອົງການປົກຄອງເຂດບໍລິຫານພິເສດຮົງກົງຈີນໄດ້ພິມເຜີຍແຜ່ ຂໍ້ກຳນົດໃນການຈັດຕັ້ງປະຕິບັດມາດຕາ 43 ຂອງກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ເຂດບໍລິຫານພິເສດຮົງກົງ ສປ ຈີນ ເຊິ່ງຂໍ້ກຳນົດສະບັນນີ້ໄດ້ມີຜົນບັງຄັບໃຊ້ນັບແຕ່ວັນທີ 7 ກໍລະກົດນີ້ເປັນຕົ້ນໄປ.
ຕາມມາດຕາ 43 ຂອງກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງໄດ້ກຳນົດໄວ້ວ່າ: ພາກສ່ວນຮັກສາຄວາມໝັ້ນຄົງແຫ່ງຊາດຂອງພະແນກຕຳຫຼວດອົງການປົກຄອງເຂດບໍລິຫານພິເສດຮົງກົງໃນເວລາແກ້ໄຂຄະດີກະທຳຜິດກົດໝາຍທີ່ເປັນໄພຂົ່ມຂູ່ຕໍ່ຄວາມໝັ້ນຄົງແຫ່ງຊາດນັ້ນ ສາມາດນຳໃຊ້ມາດຕະການທຸກຢ່າງຕາມກົດໝາຍໄດ້ ທັງມອບສິດໃຫ້ຜູ້ວ່າການເຂດບໍລິຫານພິເສດຮົງກົງຮ່ວມກັບຄະນະກຳມະການຮັກສາຄວາມໝັ້ນຄົງແຫ່ງຊາດຂອງອົງການປົກຄອງເຂດບໍລິຫານພິເສດຮົງກົງສ້າງຂໍ້ກຳນົດລະອຽດທີ່ກ່ຽວຂ້ອງເພື່ອຈັດຕັ້ງປະຕິບັດມາດຕະການຕາມທີ່ກຳນົດໄວ້ໃນມາດຕາ 43.
ຂໍ້ກຳນົດດັ່ງກ່າວປະກອບມີເນື້ອໃນຕ່າງໆທີ່ກ່ຽວຂ້ອງກັບເຈົ້າໜ້າທີ່ໃນການປະຕິບັດກົດໝາຍພ້ອມດ້ວຍອົງການທີ່ກ່ຽວຂ້ອງສາມາດກວດຄົ້ນທຸກສະຖານທີ່ທີ່ກ່ຽວຂ້ອງເພື່ອຄົ້ນຫາຫຼັກຖານ,ຈຳກັດບໍ່ໃຫ້ຜູ້ຕ້ອງສົງໃສທີ່ຖືກສືບສວນອອກຈາກຮົງກົງ, ອາຍັດ, ຈຳກັດ,ຍຶດຊັບສິນທີ່ກ່ຽວຂ້ອງກັບການກະທຳຜິດໃນການທຳລາຍຄວາມໝັ້ນຄົງແຫ່ງຊາດນັ້ນໃຫ້ເປັນຂອງລັດ, ລຶບລ້າງຂໍ້ມູນຂ່າວສານທີ່ກະທົບຕໍ່ຄວາມໝັ້ນຄົງແຫ່ງຊາດແລະຮຽກຮ້ອງໃຫ້ຜູ້ກ່ຽວໃຫ້ການຮ່ວມມືກັບພາກສ່ວນທີ່ກ່ຽວຂ້ອງ, ຮຽກຮ້ອງໃຫ້ອົງການຈັດຕັ້ງທາງການເມືອງພ້ອມດ້ວຍຕົວແທນຂອງຕ່າງປະເທດແລະໄຕ້ຫວັນສະໜອງຂໍ້ມູນກ່ຽວກັບການເຄື່ອນໄຫວທີ່ກ່ຽວຂ້ອງກັບຮົງກົງ, ທັງຮ້ອງຂໍການມອບສິດໃຫ້ລັດສະກັດເອົາຂໍ້ມູນດ້ານການສື່ສານກໍຄືການກວດກາຢ່າງປິດລັບ, ສະໜອງຂໍ້ມູນແລະປະກອບວັດຖຸອຸປະກອນຕ່າງໆແລະອື່ນໆ.
ຄຳເຫັນ
0