尚艷波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2020年兩會專題_fororder_lianghuibannerxiao
  • ​​ຮູບພາບ
  • ​ວີ​ດີ​ໂອ

ເກັ່ງ​ແທ້ພະ​ນັກ​ງານ​ດັບ​ເພີງ​ທີ່​ເຂົ້າ​ຮ່ວມຕ້ານໄພນ້ຳຖ້ວມທັງຫຼາຍ

2020-07-21 17:10:31 cri

ວັນທີ 17 ກໍລະກົດນີ້, ຢູ່ແຄມໜອງທ້າຍຫູເມືອງອູຊີ່ແຂວງຈ່ຽງຊູ່, ພະ​ນັກ​ງານດັບເພີງຫຼາຍສິບຄົນພວມນັ່ງກິນເຂົ້າຢູ່ຕາມແຄມຖະໜົນຫຼັງຈາກໄດ້​ປະ​ຕິ​ບັດ​ໜ້າ​ທີ່​ປ້ອງ​ກັນ​ແລະກູ້ໄພນ້ຳຖ້ວມເປັນເວລາຫຼາຍຊົ່ວໂມງແລະແກ້ໄຂບັນຫາສະພາບອັນຕະລາຍຢູ່ເຂື່ອນນ້ຳແຫ່ງໜຶ່ງ, ໃນນັ້ນ, ມີພະ​ນັກ​ງານ​ດັບ​ເພີງ​ຫຼັບ​ຕາ​ເຊືອບ​ລົງ​ເວ​ລາ​ຍັງ​ກິນ​ເຂົ້າ​ຢູ່.
 

ແຕ່ເດືອນມິຖຸນານີ້ເປັນຕົ້ນມາ, ຢູ່ທົ່ວປະເທດຈີນໄດ້ເກີດ​ມີ​ໄພ​ນ້ຳ​ຖ້ວມ​ຢູ່ 4 ຮ້ອຍກວ່າ​ລ້ອງ​ນ້ຳ, ໃນນັ້ນ, ມີ​ສາຍນ້ຳ 30 ກວ່າສາຍ​ມີລະດັບໜ້ານ້ຳ​ຂຶ້ນສູງສຸດໃນປະຫວັດສາດ. ມີປະຊາຊົນຫຼາຍກວ່າ 2 ລ້ານຄົນ​ຖືກຍົກຍ້າຍໄປ​ຢູ່​ສະ​ຖານ​ທີ່​ປອດ​ໄພ​ຊົ່ວ​ຄາວ, ມີ​ຜູ້ເສຍຊີວິດຫຼືຫາຍສາບສູນ 140 ກວ່າຄົນ. ຜົນເສຍຫາຍທາງເສດຖະກິດມີ​ປະ​ມານ 11,5 ຕື້​ໂດ​ລາ​ສະ​ຫະ​ລັດ. ໃນຂະນະທີ່ອັນຕະລາຍແບບນີ້, ​ພະ​ນັກ​ງານ​ດັບ​ເພີງ​ສາ​ຂາຕ່າງໆໃນທົ່ວປະເທດໄດ້ປະຕິບັດໜ້າທີ່ຢ່າງສຸກເສີນ, ເດີນທາງໄປແນວໜ້າ​ແຫ່ງ​ການ​ກູ້ໄພ,ພະຍາຍາມທັງເວັນທັງຄືນເພື່ອປ້ອງກັນຄວາມປອດໄພດ້ານຊີວິດແລະຊັບສິນຂອງປະຊາຊົນ. ​ພະ​ນັກ​ງານ​ດັບ​ເພີງ​ທີ່​ຫຼັບ​ຕາ​ເຊືອບ​ໃນ​ຂະ​ນະ​ທີ່​ກຳ​ລັງ​ກິນ​ເຂົ້າ​ຢູ່​ພຽງ​ແຕ່​ເປັນ​ພາກ​ສ່ວນ​ໜຶ່ງ​ຂອງ​ຈຳ​ນວນ​ພະ​ນັກ​ງານ​ກູ້​ໄພ​ທີ່​ເຂົ້າ​ຮ່ວມ​ການ​ຊ່ວຍ​ເຫຼືອ​ກູ້​ໄພ​ທັງ​ຫຼາຍ.
 

ທ່ານ ສີຈິ້ນຜິງ ເລຂາທິການໃຫຍ່​ຄະ​ນະ​ກຳ​ມະ​ການສູນກາງພັກກອມມູນິດຈີນໄດ້ກ່າວໃນກອງປະຊຸມ​ຄະ​ນະປະຈຳກົມການເມືອງສູນກາງພັກກອມມູນິດຈີນທີ່ຈັດຂຶ້ນໃນວັນທີ 17 ກໍລະກົດ​ຜ່ານ​ມານີ້ໂດຍຊີ້ໃຫ້ເຫັນວ່າ: ບັນດາເຂດ,ພາກສ່ວນແລະຫົວໜ່ວຍທີ່ກ່ຽວຂ້ອງ​ກັບ​ການ​ເຂົ້າ​ຮ່ວມ​ກູ້​ໄພ​ຕ້ອງ​ຖື​ເອົາ​ການຮັບປະກັນຄວາມປອດໄພດ້ານຊີວິດແລະຊັບສິນຂອງປະຊາຊົນເປັນ​ວຽກ​ສຳ​ຄັນອັນດັບໜຶ່ງຢ່າງສະເໝີຕົ້ນສະເໝີປາຍ, ມີແຕ່ພັກການເມືອງທີ່ເອົາຜົນປະໂຫຍດຂອງປະຊາຊົນໄວ້ເປັນອັນດັບໜຶ່ງ,ຈຶ່ງຈະສາມາດອົບຮົມສ້າງພະ​ນັກ​ງານ​ດັບ​ເພີງ​ທີ່​ເຂົ້າ​ຮ່ວມ​ຊ່ວຍຕ້ານໄພນ້ຳຖ້ວມທີ່ສູ້ຊົນເພື່ອປະຊາຊົນຈົນ​ອິດເມື່ອຍແລະ​ຫຼັບ​ຕາ​ເຊືອບ​ລົງ​ໃນ​ຂະ​ນະ​ທີ່​ກຳ​ລັງກິນເຂົ້າ​ຢູ່, ປະຊາຊົນຈຶ່ງຈະມີຄວາມຮູ້ສຶກ​ວ່າ​ມີຄວາມປອດໄພທີ່ແທ້​ຈິງເມື່ອດຳລົງຊີວິດຢູ່ໃນປະເທດແບບນີ້.

ຄຳ​ເຫັນ

0