ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ກໍລະກົດນີ້, ທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ສົນທະນາກັບທ່ານເຣດໂນ ເລສຕາຣີ ປີຣອັນຊາຣີ ມາສຸດີ ລັດຖະມົນຕີກະຊວງການຕ່າງປະເທດອິນໂດເນເຊຍທາງວິດີໂອວ່າ: ໃນໄລຍະຕໍ່ໜ້າ ການຮ່ວມມືລະຫວ່າງອາຊີຕາເວັນອອກຄວນສຸມໃສ່ສາມັກຄີກັນຕ້ານພະຍາດໂຄວິດ-19 ແລະພັດທະນາຮ່ວມກັນ.
ທ່ານວາງຢີ້ກ່າວວ່າ: ຫວັງວ່າຈີນ ແລະອາຊຽນຈະສຸມຄວາມພະຍາຍາມຮ່ວມກັນ, ຊຸກຍູ້ການຮ່ວມມືອາຊີຕາເວັນອອກສາມາດບັນລຸໝາກຜົນຢ່າງຕັ້ງໜ້າຕື່ມອີກ. ຂ້າພະເຈົ້າຈຶ່ງສະເໜີວ່າ:
ໜຶ່ງ: ລົງເລິກການຮ່ວມມືຕ້ານພະຍາດໂຄວິດ-19. ຈີນຍິນດີໃຫ້ການສະໜັບສະໜູນທີ່ຈຳເປັນຕໍ່ກອງທຶນຕ້ານພະຍາດ ແລະຄັງສຳຮອງອຸປະກອນທາງການແພດສຸກເສີນຂອງອາຊຽນ, ປຶກສາຫາລືກັບອາຊຽນໃນການສ້າງກົນໄກພົວພັນສຸກເສີນ, ສູນເກັບຣັກສາອຸປະກອນທາງການແພດສຸກເສີນ ອາຊຽນ+3 ແລະສ້າງປະຊາຄົມສາທາລະນະສຸກຈີນ-ອາຊຽນ.
ສອງ: ຊຸກຍູ້ການຟື້ນຟູເສດະກິດ. ຊຸກຍູ້ການເຊື່ອມຈອດລະຫວ່າງຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແລະ “ແຜນແມ່ບົດວ່າດ້ວຍການເຊື່ອມໂຍງເປັນອັນໜຶ່ງອັນດຽວກັນຂອງອາຊຽນໃນປີ 2025”, ຈັດກິດຈະກຳປີການຮ່ວມມືດ້ານເສດຖະກິດດີຈີຕອນຈີນ-ອາຊຽນ, ສ້າງຈຸດເຕີບໂຕໃໝ່ດ້ານການຮ່ວມມື. ຮັບປະກັນໃຫ້ສັນຍາການພົວພັນຄູ່ຮ່ວມເສດຖະກິດຮອບດ້ານໃນພາກພື້ນໄດ້ເຊັນກັນໂດຍໄວ ແລະຊຸກຍູ້ການພັດທະນາເສດຖະກິດພາກພື້ນໃຫ້ມີທ່ວງທ່າເຕີບໂຕຂຶ້ນ.
ສາມ: ຊຸກຍູ້ການຮ່ວມມືດ້ານເສດຖະກິດທາງທະເລ. ດຳເນີນການຮ່ວມມືຢ່າງກວ້າງຂວາງໃນຂົງເຂດຕ່າງໆ ເຊັ່ນ: ຂະແໜງການທະເລ, ການຮັກສານິເວດທາງທະເລ, ການປະດິດສ້າງໃໝ່ດ້ານວິທະຍາສາດເຕັກນິກທາງທະເລ ແລະອື່ນໆ, ຊຸກຍູ້ການສ້າງການພົວພັນຄູ່ຮ່ວມເສດຖະກິດທາງທະເລ.
ສີ: ຖືເອົາໂອກາດການສ້າງຕັ້ງສາຍພົວພັນຄູ່ເຈລະຈາຈີນ-ອາຊຽນຄົບຮອບ 30 ປີໃນປີ 2021, ເພື່ອຍົກສູງຖານະຍຸດທະສາດການພົວພັນຈີນ-ອາຊຽນ, ເປີດກວ້າງການຮ່ວມມື ແລະເພີ່ມທະວີຄວາມໝັ້ນໃຈດ້ານການຮ່ວມມື.
ຫ້າ: ເຮັດວຽກກະກຽມທຸກດ້ານໃຫ້ດີເພື່ອໃຫ້ກອງປະຊຸມຕ່າງໆຂອງຜູ້ນຳອາຊີຕາເວັນອອກທີ່ຈະຈັດຂຶ້ນໃນທ້າຍປີນີ້ໄດ້ຮັບໝາກຜົນທີ່ອຸດົມສົມບູນ, ຮັບມືກັບຄວາມສ່ຽງ ແລະສິ່ງທ້າທາຍຮ່ວມກັນ, ປົກປັກຮັກສາສັນຕິພາບ, ສະຖຽນລະພາບໃນພາກພື້ນ.
ຄຳເຫັນ
0