ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຂ້ອນແຈ້ງວັນທີ 2 ສິງຫານີ້, ຢູ່ເຂດທະເລທາງພາກໃຕ້ຟິລິບປິນໄດ້ເກີດແຜ່ນດິນໄຫວຂະໜາດ 6.4 ລິເຕີ, ປັດຈຸບັນ ຍັງບໍ່ທັນມີລາຍງານກ່ຽວກັບຜູ້ໄດ້ຮັບບາດເຈັບແລະເສຍຊີວິດ ແລະຄວາມເສຍຫາຍດ້ານຊັບສິນ.
ອີງຕາມຂ່າວໃນເວັບໄຊຂໍ້ມູນຂ່າວສານແຜ່ນດິນໄຫວຂອງກົມສຳຫຼວດທໍລະນີສາດອາເມຣິກາ, ແຜ່ນດິນໄຫວຄັ້ງນີ້ເກີດຂຶ້ນໃນເວລາ 1 ໂມງ 9 ນາທີຂອງວັນທີ 2 ສິງຫານີ້ຕາມເວລາປັກກິ່ງ, ໃຈກາງເກີດແຜ່ນດິນໄຫວແມ່ນຢູ່ຫ່າງຈາກທ່າກຳປັ່ນໂປລອກຟິລິບປິນໄປທາງທິດຕາເວັນຕົກສຽງໃຕ້ 10 ກິໂລແມັດ, ຈຸດແຜ່ນດິນໄຫວເລິກລົງໃຕ້ດິນໄປປະມານ 480 ກິໂລແມັດ.
ຟິລິບປິນຕັ້ງຢູ່ແຖບແຜ່ນດິນໄຫວພູເຂົາໄຟອ້ອມປາຊີຟິກ ເຊິ່ງພາໃຫ້ເກີດແຜ່ນດິນໄຫວເລື້ອຍໆ. ຕາມຕົວເລກສະຖິຕິຂອງສະຖາບັນຄົ້ນຄວ້າແຜ່ນດິນໄຫວພູເຂົາໄຟຟິລິບປິນ, ແຕ່ລະປີ ຟິລິບປິນເກີດມີແຜ່ນດິນໄຫວທີ່ສາມາດຮູ້ສຶກໄດ້ເຖິງແຮງສັ່ນທະເທືອນປະມານ 100 ຫາ 150 ເທື່ອ.
ຄຳເຫັນ
0