ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ສິງຫານີ້, ຜູ້ນຳອາເມຣິກາໄດ້ຂູ່ອີກວ່າ: “ຕ້ອງຂາຍ TikTok ໃຫ້ອາເມຣິກາກ່ອນວັນທີ 15 ກັນຍາໜ້ານີ້, ຖ້າບໍ່ດັ່ງນັ້ນ, ຈະປິດ TikTok ເລີຍ.” ທ່ານຍັງປ່າວປະກາດອີກວ່າ: ຕ້ອງຈ່າຍ “ຄ່າທຳນຽມ” ງວດໃຫຍ່ໃຫ້ລັດຖະບານອາເມຣິກາໃນການຄ້າຂາຍ TikTok. ການສະແດງທ່າທີອຳນາດບາດໃຫຍ່ຢ່າງເປີດແປນແບບນີ້ເຮັດໃຫ້ພາຍໃນປະເທດອາເມຣິກາ ແລະ ຫຼາຍປະເທດໃນສາກົນສະແດງຄວາມສົງໄສ ແລະ ກ່າວປະນາມຢ່າງກວ້າງຂວາງ ແລະ ໄດ້ດຶງໜ້າກາກອັນຈອມປອມແຫ່ງ “ການແຂ່ງຂັນແບບຍຸດຕິທຳ” ທີ່ອາເມຣິກາສົ່ງເສີມມາໂດຍຕະຫຼອດນັ້ນອອກໝົດ.
ຫວ່າງມໍ່ໆມານີ້, ທ່ານມາກ ເລມລີ ສາສະດາຈານມະຫາວິທະຍາໄລສະແຕນຟອດອາເມຣິກາໄດ້ໃຫ້ສຳພາດຕໍ່ CNN ຂອງອາເມຣິກາ, ທ່ານໄດ້ກ່າວຢ່າງກົງໄປກົງມາວ່າ: ບໍ່ມີຫຼັກຖານຕົວຈິງສະແດງໃຫ້ເຫັນວ່າ: TikTok ໄດ້ເປັນໄພຂົ່ມຂູ່ຕໍ່ຄວາມໝັ້ນຄົງແຫ່ງຊາດຂອງອາເມຣິກາ. ສື່ມວນຊົນຕາເວັນຕົກກໍເຫັນໂດຍທົ່ວໄປວ່າ: ອັນທີ່ວ່າ “ຄວາມໝັ້ນຄົງແຫ່ງຊາດ” ພຽງແຕ່ເປັນຂໍ້ອ້າງສຳລັບອາເມຣິກາ ໃນການໂຈມຕີວິສາຫະກິດວິທະຍາສາດເຕັກນິກຂັ້ນສູງຂອງຈີນ ຈົນເຖິງຂັ້ນ “ກໍ່ສົງຄາມວິທະຍາສາດເຕັກໂນໂລຊີ” ກັບຈີນເທົ່ານັ້ນ.
ໃນໄລຍະທີ່ວິທະຍາສາດເຕັກໂນໂລຊີອາເມຣິກາເປັນອັນດັບສຸດຍອດຂອງໂລກ ແລະ ມີທ່າແຮງເດັດຖານຢູ່ນັ້ນ, ອາເມຣິກາໄດ້ຮຽກຮ້ອງໃຫ້ປະເທດອື່ນໆເປີດປະຕູໃຫ້ອາເມຣິກາ ດ້ວຍຂໍ້ອ້າງ “ເສດຖະກິດ ແລະ ຕະຫຼາດເສລີ” ເພື່ອຫວັງຄວ້າເອົາຜົນກຳໄລສູງສຸດ; ແຕ່ເມື່ອວິສາຫະກິດວິທະຍາສາດເຕັກໂນໂລຊີຈີນໄດ້ເລັ່ງລັດການພັດທະນາຂຶ້ນມາ ແລະ ມີຄວາມສາມາດບົ່ມຊ້ອນທີ່ສາມາດເປັນຄູ່ແຂ່ງຂອງວິສາຫະກິດອາເມຣິກາ, ອາເມຣິກາກໍໄດ້ປະຖິ້ມສິ່ງຈອມປອມຕາມຂໍ້ອ້າງທີ່ວ່າ “ຕະຫຼາດເສລີ” ນັ້ນອອກໝົດ, ໂດຍຜ່ານຈາກການ “ປິດປະຕູເມືອງ” ຈົນເຖິງໃຊ້ວິທີບໍ່ໄດ້ດ້ວຍເລ່ກໍເອົາດ້ວຍກົນ, ບໍ່ໄດ້ດ້ວຍມົນກໍເອົາດ້ວຍຄາຖາ ເພື່ອປົກປ້ອງຄວາມເປັນມະຫາອຳນາດດ້ານວິທະຍາສາດເຕັກໂນໂລຊີຂອງອາເມຣິກາ. ການກະທຳທີ່ໃຊ້ສິດຂອງມະຫາອຳນາດ ແລະ ລັດທິປົກປ້ອງທາງວິທະຍາສາດເຕັກໂນໂລຊີຂອງອາເມຣິກາ ໄດ້ເປັນການສະແດງໃຫ້ເຫັນແບບຢ່າງທີ່ຂີ້ຮ້າຍທີ່ສຸດຂອງອາເມຣິກາ, ຖ້າປະເທດອື່ນໆລ້ວນແຕ່ມີການກະທຳໃນລັກສະນະດຽວກັນນີ້, ອາດຈະເຮັດໃຫ້ຕະຫຼາດເສລີຖືກເສື່ອມເສຍ. ຂໍຖາມວ່າ: ໃນອະນາຄົດ, ຍັງຈະມີວິສາຫະກິດຕ່າງປະເທດແຫ່ງໃດອີກທີ່ຍິນດີເຂົ້າສູ່ຕະຫຼາດອາເມຣິກາ ເພື່ອລໍຖ້າໃຫ້ອາເມຣິກາຍຶດຄອງ? ຖ້າຜູ້ປະດິດສ້າງໃໝ່ໃນຂົງເຂດວິທະຍາສາດເຕັກໂນໂລຊີຫ່າງເຫີນຈາກອາເມຣິກາແລ້ວ, ຕະຫຼາດອາເມຣິກາຍ່ອມຈະສູນເສຍແຮງດຶງດູດຄືທີ່ມີມາກ່ອນ ແລະ ຈະກ້າວໄປສູ່ຄວາມຊຸດໂຊມລົງເທື່ອລະກ້າວ.
ຄຳເຫັນ
0