ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 3 ສິງຫານີ້, ເວັບໄຊຂອງໜັງສືພິມ “ເດີກາດຽນ” ຂອງອັງກິດໄດ້ລົງບົດຄວາມຂອງທ່ານຮີຊາດ ຮໍຕັນ , ຫົວໜ້າບັນນາທິການຂອງວາລະສານ “ເດີ ແລນເຊັດ” ຂອງອັງກິດລົງນາມທີ່ມີຫົວຂໍ້ວ່າ: “ກະແສຕິອາລົມຄວາມຮູ້ສຶກຕໍ່ຕ້ານຈີນແມ່ນເພື່ອປົກປິດຄວາມປະລາໄຊໃນການຮັບມືກັບສະພາບພະຍາດໂຄວິດ-19 ຂອງບັນດາປະເທດຕາເວັນຕົກ”.
ບົດຄວາມຂຽນວ່າ, ບຸກຄົນໃນວົງການການເມືອງຕ່າງໆຂອງບັນດາປະເທດຝ່າຍຕາເວັນຕົກທີ່ຖືລັດຖະບານອາເມຣິກເປັນຫົວໂບ່ໄດ້ເລື່ອນຂັ້ນຂອງການໂຈມຕີຈີນ. ຂະໜາດການປະຕິບັດແມ່ນເພື່ອຕໍ່ຕ້ານຈີນນີ້, ຖ້າວ່າທຽບໃສ່ກັບຄວາມເປັນຈິງທີ່ນັກວິທະຍາສາດຈີນໄດ້ປະກອບສ່ວນຢ່າງອົງອາດກ້າຫານເຂົ້າໃນການເຮັດໃຫ້ພວກເຮົາຮັບຮູ້ກ່ຽວກັບສະພາບພະຍາດຄັ້ງນີ້ແລ້ວ, ແມ່ນບໍ່ສົມເຫດສົມຜົນແທ້ໆ.
ບົດຄວາມຍັງໄດ້ລະບຸວ່າ, ໃນໄລຍະເກີດພະຍາດໂຄວິດ-19, ນັກວິທະຍາສາດຈີນໄດ້ປະຕິບັດການເຄື່ອນໄຫວຢ່າງເດັດດ່ຽວແລະມີຄວາມຮັບຜິດຊອບເພື່ອຮັກສາສຸຂະພາບຂອງປະຊາຊົນຈີນ. ເຂົາເຈົ້າໄດ້ສະເໜີໃຫ້ “ປິດເມືອງ” ໂດຍໄວເພື່ອຕັດຊ່ອງທາງການຕິດແປດພະຍາດ. ແລະສ້າງໂຮງໝໍຊົ່ວຄາວເພື່ອເພີ່ມຄວາມສາມາດບັນຈຸຂອງຈຳນວນຂອງຕຽງຄົນເຈັບ. ທ່ານໝໍຂອງຈີນໄດ້ແຈ້ງເຕືອນລັດຖະບານຈີນຢ່າງວ່ອງໄວ, ແລະລັດຖະບານຈີນໄດ້ແຈ້ງເຕືອນຕໍ່ທົ່ວໂລກ. ປະເທດຝ່າຍຕາເວັນຕົກບໍ່ໄດ້ຮັບຟັງຄຳເຕືອນດັ່ງກ່າວ. ການຕຳໜິຕິຕຽນວ່າຈີນເປັນຜູ້ສ້າງສະພາບການພະຍາດຄັ້ງນີ້ແມ່ນເພື່ອປອມແປງປະຫວັດສາດຂອງສະພາບພະຍາດໂຄວິດ-19 ແລະເພື່ອປົກປິດຄວາມປະລາໄຊຂອງປະເທດຝ່າຍຕາເວັນຕົກ.
ຄຳເຫັນ
0