ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 15 ກັນຍາໜ້ານີ້ແມ່ນເວລາກຳນົດສຸດທ້າຍຂອງທ່ານໂດໂນ ທຣຳ, ປະທານາທິບໍດີອາເມຣິກາທີ່ມີຕໍ່ TikTok. ຖ້າວ່າການຊື້ຂາຍ TikTok ຫາກຍັງບໍ່ສຳເລັດ, APP ວິດີໂອສັ້ນທີ່ໄດ້ຮັບຄວາມນິຍົມຫຼາຍໃນທົ່ວໂລກນີ້ຈະຖືກຫ້າມບໍ່ໃຫ້ໃຊ້ໃນອາເມຣິກາ. ໃນເຂະນະດຽວກັນ, ທະວີບເອີຣົບກໍໄດ້ຕຳໜິແລະມີຄວາມສົງໄສຢ່າງຫຼວງຫຼາຍກ່ຽວກັບເລື່ອງນີ້.
ຍ້ອນມີຄຳສັ່ງບັງຄັບຈາກທ່ານໂດໂນ ທຣຳ, ບໍລິສັດໄບດາສ໌ (ByteDance)ເຊິ່ງເປັນບໍລິສັດແມ່ຂອງ TikTok ໄດ້ອອກຖະແຫຼງການວ່າ, ກຳລັງພິຈາລະນະກ່ຽວກັບການຕັ້ງສຳນັກງານໃຫຍ່ຂອງ TikTok ແຫ່ງໃໝ່ຢູ່ນອກອາເມຣິກາ. ມີສື່ມວນຊົນອັງກິດໄດ້ລາຍງານວ່າ, ສະຖານທີ່ໃໝ່ນີ້ອາດຈະແມ່ນນະຄອນຫຼວງລອນດອນ, ແລະແຜນການດັ່ງກ່າວໄດ້ຮັບການອະນຸຍາດຈາກລັດຖະບານອັງກິດແລ້ວ.
ໜັງສືພິມ “ແຟຼງເພີເດີ ສັນຊາວ” ຂອງເຢຍລະມັນໄດ້ລົງບົດວິຈານວ່າ, ໃນການເລືອກຕັ້ງປະທານາທິບໍດີທີ່ຈະຈັດຂຶ້ນໃນໄວໆນີ້, ທ່ານໂດໂນ ທຣຳຫວັງວ່າຈະກະາມາດຫັນເຫດການຕຳໜິຕິຕຽນຕົນຈາກຜູ້ປ່ອນບັດກ່ຽວກັບການຮັບມືກັບສະພາບພະຍາດລະບາດໄດ້.
ທ່ານເຟຼເດີຣິຄ ບິເອຣູຊີ, ຜູ້ວ່າການຊັ້ນສູງຂອງບໍລິສັດອາສຕົນກ່າວຕໍ່ນັກຂ່າວວ່າ, ການນຳໃຊ້ກົດໝາຍຂອງອາເມຣິກາເປັນອາວຸດໃນຄົງຄາມເສດຖະກິດ, ນີ້ແມ່ນເລກົນທີ່ອາເມຣິກາມັກນຳໃຊ້ເລື້ອຍໆເພື່ອໂຈມຕີຄູ່ແຂງຂັນປະເທດອື່ນ. ພ້ອມກັນນັ້ນ, ທ່ານ ເຟຼເດີຣິຄ ບິເອຣູຊີກໍໄດ້ຮຽກຮ້ອງໃຫ້ປະເທດທັງໝົດສາມັກຄີເປັນເອກະພາບກັນ, ຕ້ານກັບການກະທຳທີ່ເປັນເຈົ້າອຳນາດຂອງອາເມຣິກາ.
ຄຳເຫັນ
0