ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ສິງຫານີ້, ກະຊວງການຄ້າຈີນໄດ້ເປີດເຜີຍຂໍ້ມູນຫຼ້າສຸດໂດຍສະແດງໃຫ້ເຫັນວ່າ: ໃນ 6 ເດືອນຕົ້ນປີ 2020, ຍອດມູນຄ່າການຄ້າການບໍລິການຂອງຈີນບັນລຸເຖິງ 2200 ຕື້ຢວນ ເຊິ່ງໄດ້ຫຼຸດລົງ 14,7% ເມື່ອທຽບໃສ່ໄລຍະດຽວກັນຂອງປີຜ່ານມາ. ສາເຫດຕົ້ນຕໍແມ່ນຍ້ອນໄດ້ຮັບຜົນກະທົບຈາກພະຍາດໂຄວິດ-19, ຈຳນວນຄົນເຂົ້າອອກເມືອງໄດ້ຫຼຸດໜ້ອຍລົງ, ການສະໜອງ ແລະຄວາມຕ້ອງການດ້ານການບໍລິການລ້ວນແຕ່ໄດ້ຫຼຸດໜ້ອຍລົງຢ່າງຫຼວງຫຼາຍ.
ຜູ້ຮັບຜິດຊອບທີ່ກ່ຽວຂ້ອງຂອງກະຊວງການຄ້າຈີນກ່າວວ່າ: ການຄ້າຂາເຂົ້າຂາອອກດ້ານການບໍລິການການທ່ອງທ່ຽວໄດ້ຫຼຸດໜ້ອຍລົງເຊິ່ງແມ່ນສາເຫດຕົ້ນຕໍທີ່ພາໃຫ້ການຄ້າການບໍລິການຂອງຈີນໄດ້ຫຼຸດໜ້ອຍລົງ, ຖ້າບໍ່ຄິດໄລ່ການບໍລິການການທ່ອງທ່ຽວ, ການຄ້າຂາເຂົ້າຂາອອກດ້ານການບໍລິການຂອງຈີນໃນ 6 ເດືອນຕົ້ນປີນີ້ໄດ້ເພີ່ມຂຶ້ນ 2,1%. ໃນນັ້ນ, ການຄ້າການບໍລິການດ້ານວິຊາການໄດ້ເພີ່ມຂຶ້ນ 9,2%, ກວມ 43,7% ຂອງຍອດມູນຄ່າການຄ້າການບໍລິການ.
ຕາມຂ່າວແຈ້ງໃຫ້ຮູ້ອີກວ່າ: ໃນເດືອນກັນຍາປີນີ້, ງານຕະຫຼາດນັດການຄ້າການບໍລິການສາກົນຈີນປີ 2020 ຈະຈັດຂຶ້ນຢູ່ປັກກິ່ງດ້ວຍຮູບແບບປະຊຸມແລະຜ່ານທາງອອນລາຍ. ມາຮອດວັນທີ 3 ສິງຫານີ້, ງານຕະຫຼາດນັດການຄ້າການບໍລິການຄັ້ງນີ້ໄດ້ມີວິສາຫະກິດແລະອົງການທີ່ກ່ຽວຂ້ອງ 898 ແຫ່ງສະໝັກເຂົ້າຮ່ວມໂດຍຜ່ານທາງອອນລາຍ; ຍັງມີວິສາຫະກິດແລະອົງການທີ່ກ່ຽວຂ້ອງອີກ 1217 ແຫ່ງຈະເຂົ້າຮ່ວມງານວາງສະແດງອອັຟລາຍ.
ຄຳເຫັນ
0