ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 28 ກໍລະກົດແລ້ວນີ້, ອາເມຣິກາໄດ້ປິດສະຖານກົງສຸນໃຫຍ່ອາເມຣິກາປະຈຳນະຄອນເສິງຕູຂອງຈີນ. ເຊື່ອວ່າ: ເຈົ້າໜ້າທີ່ການທູດຫຼາຍທ່ານຂອງອາເມຣິກາບໍ່ເຄີຍຄິດວ່າ, ຕົນໄດ້ເຮັດສຳເລັດໜ້າທີ່ຢູ່ນະຄອນເສິງຕູດ້ວຍຮູບການນີ້. ທີ່ຈິງແລ້ວ, ເຂົາເຈົ້າກໍຄວນຮູ້ຕົ້ນປາຍສາຍເຫດທີ່ພາໃຫ້ເກີດສະພາບການໃນມື້ນັ້ນ. ນັ້ນກໍຄື: ວັນທີ 21 ກໍລະກົດຜ່ານມາ, ລັດຖະບານທຣຳໄດ້ສັ່ງປິດສະຖານກົງສຸນໃຫຍ່ຈີນປະຈຳນະຄອນຮິວສະຕັນຂອງອາເມຣິກາຢ່າງກະທັນຫັນ ເຊິ່ງໄດ້ເປັນການກະທຳແບບ “ງິ້ວປ່ຽນໜ້າ” ໃນການພົວພັນທາງການທູດລະຫວ່າງຈີນແລະອາເມຣິກາ.
ເປັນຫຍັງລັດຖະບານທຣຳຈິ່ງສະແດງ “ງິ້ວປ່ຽນໜ້າ” ແບບນີ້? ຈະສະແດງໃຫ້ຜູ້ໃດເບິ່ງແທ້? ເຊື່ອວ່າ: ຄົນທັງຫຼາຍກໍຮູ້ດີຢູ່ແລ້ວ, ນັ້ນກໍຄືສະແດງໃຫ້ປະຊາຊົນອາເມຣິກາຜູ້ມີສິດປ່ອນບັດ, ສາຍເຫດຕົ້ນຕໍກໍຢາກໃຫ້ປະຊາຊົນຜູ້ມີສິດປ່ອນບັດເລືອກຕັ້ງຫຼົງລືມມາດຕະການປ້ອງກັນແລະຄວບຄຸມພະຍາດທີ່ຂີ້ຮ້າຍຂອງລັດຖະບານທຣຳ, ຫຼົງລືມວ່າລັດຖະບານທຣຳຈົນປັນຍາໃນການແກ້ໄຂບັນຫາຈຳແນກເຊື້ອຊາດຜິວພັນ, ນີ້ແມ່ນການຫາທຶນທາງການເມືອງ ແລະ ກູ້ເອົາການສະໜັບສະໜູນທີ່ນັບມື້ນັບຕົກຕ່ຳລົງຂອງລັດຖະບານທຣຳ.
ການສ້າງ ແລະ ຮັກສາການພົວພັນລະຫວ່າງສອງຝ່າຍຕ້ອງການໃຫ້ສອງຝ່າຍມີຄວາມພະຍາຍາມຢ່າງບໍ່ລົດລະເປັນຫຼາຍເຊັ່ນຄົນ, ແຕ່ວ່າ: ການທຳລາຍການພົວພັນລະຫວ່າງສອງຝ່າຍມີແຕ່ຕ້ອງການການຫຼິ້ນເລ່ລຽມເປັນບາງຄັ້ງຄາວຂອງຝ່າຍໜຶ່ງຝ່າຍດຽວເທົ່ານັ້ນ. ມັນຈິ່ງບໍ່ຕ້ອງສົງໄສເລີຍວ່າ: ການສະແດງ “ງິ້ວປ່ຽນໜ້າ” ຂອງລັດຖະບານທຣຳເປັນການທຳລາຍຄວາມໜ້າເຊື່ອຖື, ຄວາມສາມາດດ້ານຍຸດທະສາດ ແລະ ຄຸນນະພາບທາງການທູດຂອງລັດຖະບານອາເມຣິກາ, ທຳລາຍຄວາມພະຍາຍາມທາງການທູດຂອງຄະນະລັດຖະບານຫຼາຍຊຸດທີ່ຜ່ານມາຂອງອາເມຣິກາ. ໃນທີ່ສຸດ, ມີແຕ່ຈະທຳຮ້າຍການພົວພັນຈີນ-ອາເມຣິກາ ແລະ ປະຊາຊົນອາເມຣິການັ້ນເອງ, ດັ່ງນັ້ນ, ຈິ່ງຢາກບອກ “ພວກນັກສະແດງ” ອາເມຣິກາຮູ້ວ່າ: ໜຶ່ງ: ຢ່າເບິ່ງຂ້າມຄວາມຕັດສິນໃຈຂອງຝ່າຍຈີນໃນການປົກປັກຮັກສາຜົນປະໂຫຍດແຫ່ງຊາດ, ຈີນຈະບໍ່ປັບຕົວເຂົ້າຫາຍ້ອນການສະແດງ “ງິ້ວພັນໜ້າ” ຂອງອາເມຣິກາ; ສອງ: “ພວກນັກສະແດງອາເມຣິກາ” ຄວນມີຄວາມສະດຸ້ງໄວໃນທາງການເມືອງ ເພື່ອສິ້ນສຸດການສະແດງ “ງິ້ວພັນໜ້າ” ແບບນີ້.
ຄຳເຫັນ
0