ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ສິງຫານີ້, ອົງການສະຫະປະຊາຊາດກ່ຽວກັບວຽກງານແມ່ຍິງໄດ້ຈັດກອງປະຊຸມສາກົນກ່ຽວກັບການຮ່ວມມືຕ້ານກັບພະຍາດຜ່ານທາງອອນລາຍ, ຜູ້ຕາງໜ້າຈີນໄດ້ແບ່ງປັນບົດຮຽນໃນການຕ້ານກັບພະຍາດ ການຊຸກຍູ້ການພັດທະນາຂອງແມ່ຍິງ ແລະດ້ານອື່ນໆໃຫ້ປະເທດຕ່າງໆໃນໂລກ.
ໃນເວລາກ່າວປາໄສ, ທ່ານນາງຫວງສຽວເວີ່ຍ ຮອງຫົວໜ້າຄະນະກຳມະການວຽກງານແມ່ແລະເດັກຂອງລັດຖະບານຈີນ ທັງເປັນຫົວໜ້າກອງເລຂາສະຫະພັນແມ່ຍິງແຫ່ງຊາດຈີນກ່າວວ່າ: ຢູ່ໃນສະພາບການທີ່ພະຍາດມີຄວາມຮ້າຍແຮງ, ຈີນໄດ້ຈັດຕັ້ງແລະສົ່ງທິມແພດແຫ່ງຊາດ 346 ທິມໄປຊ່ວຍເຫຼືອແຂວງຫູເປ. ໃນຈຳນວນພະນັກງານແພດໝໍ 4 ໝື່ນ 2000 ຄົນທີ່ໄປຊ່ວຍເຫຼືອແຂວງຫູເປ, ມີຜູ້ຍິງ 2 ໝື່ນ 8000 ຄົນ, ກວມ 2 ສ່ວນ 3. ພະນັກງານແພດໝໍຍິງຫຼາຍລ້ານຄົນ ພະນັກງານແລະອາສາສະໝັກຄຸ້ມຄອງຄຸ້ມຊຸມຊົນເພດຍິງ 10 ລ້ານກວ່າຄົນໄດ້ປະຕິບັດໜ້າທີ່ຢ່າງເດັດດ່ຽວແລະຫ້າວຫັນ, ຕໍ່ຕ້ານກັບພະຍາດດ້ວຍທ່າທີທີ່ຕັ້ງໜ້າແລະມີປະສິດທິຜົນ.
ທ່ານນາງພຸມສິວ ມາມໂບ ນູຄາ ຜູ້ອຳນວຍການໃຫຍ່ອົງການສະຫະປະຊາຊາດກ່ຽວກັບວຽກງານແມ່ຍິງກ່າວວ່າ: ສປຊ ສະແດງຄວາມຂອບໃຈນຳສະຫະພັນແມ່ຍິງແຫ່ງຊາດຈີນທີ່ໄດ້ແບ່ງປັນບົດຮຽນອັນລ້ຳຄ່າໃນການປ້ອງກັນ ຄວບຄຸມພະຍາດ ແລະຟື້ນຟູເສດຖະກິດ. ຫວັງວ່າປະເທດຕ່າງໆຈະຮ່ຳຮຽນແລະຖອດຖອນເອົາເປັນບົດຮຽນ, ທັງເພີ່ມທະວີການແລກປ່ຽນແລະການຮ່ວມມືນຳກັນ.
ຄຳເຫັນ
0