ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 5 ສິງຫານີ້ຕາມເວລາທ້ອງຖິ່ນ, ທ່ານອັນໂຕນີ ຟາວຊີ, ຜູ້ຊ່ຽວຊານພະຍາດຕິດແປດອາເມຣິກາໄດ້ກ່າວເຕືອນວ່າ, ຖ້າວ່າລັດຕ່າງໆຂອງອາເມຣິກາບໍ່ມີການຮັບມືກັບເຊື້ອພະຍາດໂຄວິດ-19 ຢ່າງເປັນເອກະພາບກັນ, ອາເມຣິກາຈະສືບຕໍ່ຜະເຊີນກັບຄວາມອັນຕະລາຍທີ່ພະຍາດໂຄວິດ-19 ແຜ່ລະບາດຢູ່ພາຍໃນປະເທດຢ່າງກວ້າງຂວາງກວ່າເກົ່າ.
ທ່ານອານໂຕນີ ຟາວຊີໄດ້ປຽບທຽບການຮັບມືກັບພະຍາດຂອງອາເມຣິກາຄືດັ່ງນີ້. ທ່ານໄດ້ຊີ້ອອກວ່າ, ຖ້າວ່າຢາກເອົາຊະນະໃນການແຂ່ງຂັນ, ຜູ້ເຂົ້າຮ່ວມການແຂ່ງຂັນພາຍເຮືອທັງໝົດຕ້ອງຢູ່ໃນຈັງຫວັດທີ່ເປັນເອກະພາບກັນ. ທ່ານອານໂຕນີ ຟາວຊີເຫັນວ່າ, ອາເມຣິກາມອບສິດການຕັດສິນນະໂຍບາຍໃຫ້ອົງການປົກຄອງທ້ອງຖິ່ນຫຼາຍເກີນໄປ. ແຕ່ແຕ່ລະທ້ອງຖິ່ນມີການຮັບມືກັບເຊື້ອພະຍາດໂຄວິດ-19 ທີ່ແຕກຕ່າງກັນຫຼາຍ. ສະນັ້ນ, ວຽກງານການຕ້ານກັບພະຍາດຂອງທົ່ວປະເທດຈຶ່ງບໍ່ສາມາດມີຄວາມເອກະພາບກັນ, ນີ້ແມ່ນແມ່ນສາເຫດຕົ້ນຕໍຂອງບັນຫາຢ່າງແທ້ຈິງ.
ທ່ານອານໂຕນີ ຟາວຊີແນະນຳວ່າ, ຖ້າທຽບກັບປະເທດອື່ນແລ້ວ, ກໍລະນີຂອງຜູ້ຕິດແປດພະຍາດໂຄວິດ-19 ທີ່ເພີ່ມໃໝ່ໃນແຕ່ລະມື້ຢູ່ອາເມຣິກາບໍ່ໄດ້ຫຼຸດລົງໃນລະດັບທີ່ສາມາດຟື້ນຟູການຜະລິດແລະການເຮັດວຽກຄືນໃໝ່ຢ່າງປອດໄພໄດ້ຕະຫຼອດມາ. ມີລັດຈຳນວນໜຶ່ງມີສະພາບການດີສົມຄວນ, ແຕ່ວ່າຖ້າພິຈາລະນາໂດຍລວມແລ້ວ, ໃນຖານະເປັນປະເທດໜຶ່ງ, ຄົນອາເມຣິກາຄວນພິຈາລະນາບໍ່ແມ່ນໃນລັກສະນະຕ່າງຄົນຕ່າງເຮັດ, ຫາກແຕ່ຕ້ອງພິຈາລະນາທົ່ວປະເທດອາເມຣິກາວ່າໄດ້ບັນລຸມາດຕະຖານທີ່ວ່າສາມາດຟື້ນຟູການຜະລິດແລະການເຮັດວຽກຄືນໃໝ່ໄດ້ຫຼືບໍ.
ຄຳເຫັນ
0