ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຂ່າວທີ່ຫ້ອງການຖະແຫຼງຂ່າວລັດຖະບານຈີນຈັດຂຶ້ນໃນວັນທີ 5 ສິງຫານີ້ ທ່ານຫວາງຈ່ຽງຜິງ ຮອງລັດຖະມົນຕີກະຊວງອຸດສາຫະກຳແລະຂໍ້ມູນຂ່າວສານຈີນກ່າວວ່າ: ນັບມາຮອດທ້າຍເດືອນກໍລະກົດແລ້ວນີ້, ຈີນໄດ້ດຳເນີນການກວດນິວຄະເລອິກຫາເຊື້ອໄວຣັດໂຄວິດ-19 ໃຫ້ປະຊາຊົນ 160 ລ້ານເທື່ອຄົນແລ້ວ, ຄວາມສາມາດກວດຫາເຊຶ້ອຕໍ່ມື້ບັນລຸ 4 ລ້ານ 8 ແສນເທື່ອຄົນ, ໄດ້ບັນລຸຕາມຫຼັກການທີ່ວ່າ “ຜູ້ຄວນກວດຕ້ອງໃຫ້ໄດ້ກວດ”, “ຜູ້ສະໝັກກວດກໍ່ກວດໃຫ້”. ປັດຈຸບັນ ຈີນສາມາດຜະລິດຢາກວດນິວຄະເລອິກ 1 ລ້ານກວ່າຊຸດຕໍ່ອາທິດ, ເຊິ່ງຜະລິດຕະພັນດັ່ງກ່າວໃຫ້ຜົນໄວທີ່ສຸດພຽງແຕ່ໃຊ້ເວລາ 30 ນາທີເທົ່ານັ້ນ.
ທ່ານຫວາງຈ່ຽງຜິງກ່າວວ່າ: ໃນຂັ້ນຕອນຕໍ່ໄປ ຈີນຈະເລັ່ງລັດການບຸກທະລຸໃນຂອດຫຍຸ້ງຍາກໃນການຄົ້ນຄວ້າແລະຜະລິດຜະລິດຕະພັນກວດນິວຄະເລອິກຢ່າງວ່ອງໄວ. ນອກຈາກການກວດນິວຄະເລອິກແລ້ວ, ຍັງໄດ້ຄົ້ນຄວ້າແລະຜະລິດຢາກວດພູມຕ້ານທານອີກດ້ວຍ, ເຊິ່ງສາມາດໃຫ້ຜົນກວດພາຍໃນເວລາ 15 ນາທີເທົ່ານັ້ນ. ເຊິ່ງສາມາດກວດພູມຕ້ານທານ ແລະກວດນິວຄະເລອິກໄປພ້ອມກັນ, ເປັນການຍົກສູງອັດຕາການກວດເຫັນເຊື້ອໄວຣັດໃຫ້ສູງຂຶ້ນຕື່ມອີກ.
ຄຳເຫັນ
0