ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ຕຸລານີ້, ຫ້ອງການຖະແຫຼງຂ່າວຂອງພະແນກຮັກສາຄວາມສະຫງົບແຂວງຢຸນນານລາຍງານວ່າ: ເວລາ 8 ໂມງຂອງວັນທີ 20 ຕຸລານີ້, ເຮືອປະຕິບັດກົດໝາຍຂອງຈີນ 3 ລຳໄດ້ແລ່ນອອກຈາກທ່າເຮືອກ່ວນເຫຼີຍຂອງຈີນ, ເຊິ່ງເປັນຂີດໝາຍສະແດງໃຫ້ເຫັນວ່າ: ການຮ່ວມກັນລາດຕະເວັນແລະປະຕິບັດກົດໝາຍຕາມແມ່ນ້ຳຂອງລະຫວ່າງຈີນ-ລາວ-ມຽນມາ-ໄທ ຄັ້ງທີ 98 ໄດ້ເລີ່ມຕົ້ນຂຶ້ນແລ້ວຢ່າງເປັນທາງການ.
ກ່ອນດຳເນີນງານ, 4 ປະເທດດັ່ງກ່າວໄດ້ຈັດກອງປະຊຸມແລກປ່ຽນຂໍ້ມູນແລະກອງປະຊຸມຮ່ວມຂອງຜູ້ບັນຊາການໂດຍຜ່ານທາງວິດີໂອ, ເພື່ອແຈ້ງສະພາບການໃນປັດຈຸບັນກ່ຽວກັບການຮັກສາຄວາມສະຫງົບຮຽບຮ້ອຍໃນເຂດລ່ອງແມ່ນ້ຳຂອງ, ໄດ້ປຶກສາຫາລືແລະກ້າວເຖິງຂັ້ນຕົກລົງເປັນເອກະພາບກັນກ່ຽວກັບການປາບປາມການເຄື່ອນໄຫວລະເມີດກົດໝາຍແລະການກະທຳຜິດຂ້າມຊາດປະເພດຕ່າງໆໃນເຂດລ່ອງແມ່ນ້ຳຂອງ. ໃນໄລຍະດຳເນີນງານ, ກອງລາດຕະເວັນແລະປະຕິບັດກົດໝາຍປະສົມ ຈະດຳເນີນການປາບປາມການກະທຳຜິດດ້ວຍການລັກລອກເຂົ້າເມືອງ ເຊິ່ງຈະປະຕິບັດເປັນເວລາຮ້ອຍວັນຢູ່ເຂດລ່ອງແມ່ນ້ຳຂອງຢ່າງຕໍ່ເນື່ອງ, ເພື່ອປາບປາມການກະທຳທີ່ລະເມີດກົດໝາຍຂ້າມຊາດປະເພດຕ່າງໆຢູ່ເຂດລ່ອງແມ່ນ້ຳຂອງຢ່າງເຂັ້ມງວດເຊັ່ນ: ການຄ້າຂາຍເຖື່ອນ, ການລັກລອກເຂົ້າເມືອງ, ການຄ້າຂາຍຢາເສບຕິດ, ການຄ້າອາວຸດປືນ, ແລະການຄ້າມະນຸດເປັນຕົ້ນ.
ຄຳເຫັນ
0