ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານອັນດຣູ ໂຄໂມ ເຈົ້າຄອງລັດນິວຢອກຂອງອາເມຣິກາໄດ້ພິມຈຳໜ່າຍປື້ມໃໝ່ທີ່ພາດຫົວເລື່ອງວ່າ “ວິກິດການຂອງອາເມຣິກາ”, ໂດຍຕີລາຄາຢ່າງຕັ້ງໜ້າຕໍ່ຜົນສຳເລັດຂອງຈີນໃນການຕ້ານກັບພະຍາດໂຄວິດ-19, ແລະສະແດງຄວາມຂອບໃຈຕໍ່ຈີນທີ່ຊ່ວຍເຫຼືອວັດຖຸຕ້ານພະຍາດຢ່າງຫຼວງຫຼາຍໃຫ້ອາເມຣິກາໃນຂະນະທີ່ຫຍຸ້ງຍາກລຳບາກ. ກ່ຽວກັບເລື່ອງນີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 23 ຕຸລານີ້ວ່າ, ນີ້ເປັນການວາດພາບອັນແທ້ຈິງທີ່ປະຊາຊົນສອງປະເທດຈີນ-ອາເມຣິກາຊ່ວຍເຫຼືອເຊິ່ງກັນແລະກັນ ແລະຮ່ວມກັນຕ້ານກັບພະຍາດ.
ທ່ານຈ້າວລີ້ຈ່ຽນກ່າວວ່າ: ເຊື້ອພະຍາດແມ່ນສັດຕູຮ່ວມຂອງມວນມະນຸດ. ການເສື່ອມເສຍຊື່ສຽງຂອງປະເທດອື່ນ ແລະ ຖິ້ມຄວາມຮັບຜິດຊອບໃຫ້ປະເທດອື່ນຈະບໍ່ສາມາດຂັບໄລ່ເຊື້ອພະຍາດ ແລະ ປິ່ນປົວຄົນເຈັບໄດ້. ຈີນ ແລະ ອາເມຣິກາຄວນສາມັກຄີກັນຕ້ານກັບພະຍາດ, ຮ່ວມກັນປົກປ້ອງຄວາມປອດໄພດ້ານຊີວິດ ແລະ ສຸຂະພາບທີ່ແຂງແຮງຂອງປະຊາຊົນສອງປະເທດ ກໍຄືປະຊາຊົນທົ່ວໂລກ. ຈີນມີຄວາມຫວັງທີ່ຈິງໃຈວ່າ ອາເມຣິກາຈະສາມາດຄວບຄຸມການແຜ່ລະບາດຂອງພະຍາດໄດ້ໂດຍໄວ, ພວກເຮົາຍິນດີສືບຕໍ່ໃຫ້ການຊ່ວຍເຫຼືອ ແລະ ການສະໜັບສະໜູນຕາມຄວາມສາມາດຂອງຕົນແກ່ວຽກງານຕ້ານກັບພະຍາດຂອງປະຊາຊົນອາເມຣິກາ.
ທ່ານກ່າວຕື່ມວ່າ, ໃນໄລຍະເບື້ອງຕົ້ນທີ່ຈີນເກີດການແຜ່ລະບາດຂອງພະຍາດໂຄວິດ-19, ວົງການຕ່າງໆຂອງອາເມຣິກາໄດ້ໃຫ້ການສະໜັບສະໜູນ ແລະ ການຊ່ວຍເຫຼືອທີ່ລ້ຳຄ່າແກ່ຈີນ. ຄຽງຄູ່ກັບພະຍາດແຜ່ລະບາດຮ້າຍແຮງຂຶ້ນຢູ່ອາເມຣິກາ, ຫຼາຍແຂວງ ກຳແພງນະຄອນ ວິສາຫະກິດ ແລະ ອົງການຈັດຕັ້ງທັງສັງຄົມກໍໄດ້ບໍລິຈາກວັດຖຸຕ້ານພະຍາດໃຫ້ແກ່ອາເມຣິກາ.
ຄຳເຫັນ
0