ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 23 ຕຸລານີ້, ທ່ານອັນໂຕນີໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດໄດ້ສະແດງຄວາມຊົມເຊີຍຕໍ່ສອງຝ່າຍທີ່ປະທະກັນຢູ່ລີບີບັນລຸເຖິງການເຊັນສັນຍາຢຸດຍິງ, ແລະກ່າວວ່າອົງການສະຫະປະຊາຊາດຈະສືບຕໍ່ສະໜັບສະໜູນຝ່າຍຕ່າງໆສະແຫວງຫາສັນຕິພາບຖາວອນ.
ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ສຳນັກງານໃຫຍ່ອົງການສະຫະປະຊາຍ່າດທີ່ນະຄອນນິວຢອກ, ທ່ານກູເຕີເຣັສກ່າວວ່າ, ສັນຍາຢຸດຍິງແມ່ນບາດກ້າວໜຶ່ງທີ່ສຳຄັນທີ່ລີບີກ້າວໄປສູ່ສັນຕິພາບ ແລະ ຄວາມໝັ້ນຄົງ. ທ່ານຮຽກຮ້ອງບັນດາຝ່າຍທີ່ມີຜົນປະໂຫຍດທີ່ກ່ຽວຂ້ອງໃນລີບີ ແລະ ປະເທດທີ່ກ່ຽວຂ້ອງໃນພາກພື້ນຈົ່ງເຄົາລົບສັນຍາຢຸດຍິງ ແລະ ຮັບປະກັນການຈັດຕັ້ງປະຕິບັດສັນຍາດັ່ງກ່າວ. ທ່ານຍັງຮຽກຮ້ອງໃຫ້ປະຊາຄົມໂລກປະຕິບັດຕາມມາດຕະການຂອງສະພາຄວາມໝັ້ນຄົງອົງການສະຫະປະຊາຊາດທີ່ຫ້າມບໍ່ໃຫ້ຂົນສົ່ງອາວຸດຕໍ່ລີບີ, ເພື່ອຊ່ວຍເຫຼືອລີບີບັນລຸການຢຸດຍິງ ແລະ ສິ້ນສຸດການປະທະກັນ.
ຄຳເຫັນ
0