ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຂ່າວປະຈຳໄຕມາດທີ 4 ປີ 2020 ທີ່ກະຊວງປະຊາສົງເຄາະຈີນຈັດຂຶ້ນໃນວັນທີ 23 ຕຸລານີ້ໄດ້ເຜີຍໃຫ້ຮູ້ວ່າ, ນັບແຕ່ເດືອນມັງກອນເຖິງເດືອນກັນຍາປີນີ້, ແຫ່ງຕ່າງໆທົ່ວປະເທດໄດ້ເບີກເງິນອຸດໜູນຊົ່ວຄາວ 19,09 ຕື້ຢວນໃຫ້ປະຊາຊົນຜູ້ທຸກຍາກ ເຊັ່ນ: ຜູ້ທີ່ຖືກຮັບປະກັນຊີວິດຕ່ຳສຸດແລະຜູ້ທຸກຍາກເປັນພິເສດ ໃນຈຳນວນ 310 ລ້ານເທື່ອຄົນ. ຂະນະດຽວກັນ, ນັບແຕ່ເດືອນມິຖຸນາຫາເຖິງສິງຫາ ຜູ້ທີ່ຖືກຮັບປະກັນຊີວິດຕ່ຳສຸດຍ້ອນຖືກຜົນສະທ້ອນຈາກສະພາບພະຍາດໂຄວິດ19 ໄດ້ເພີ່ມຂຶ້ນ 2 ລ້ານ 5 ໝື່ນ 5 ພັນຄົນ,ໄດ້ຊ່ວຍເຫຼືອ 1,993 ລ້ານເທື່ອຄົນເປັນຊົ່ວຄາວ.
ຂ່າວແຈ້ງວ່າ, ກະຊວງປະຊາສົງເຄາະໄດ້ຊີ້ນຳທ້ອງຖິ່ນຕ່າງໆໃຫ້ຈັດຕັ້ງປະຕິບັດຕາມ “ແຈ້ງການກ່ຽວກັບການເຮັດວຽກງານຮັບປະກັນຊີວິດການເປັນຢູ່ພື້ນຖານຂອງປະຊາຊົນຜູ້ທຸກຍາກຕື່ມອີກ”, ໂດໄດ້ຈັດເອົາຄົນເຈັບສາຫັດ, ຄົນເປັນພະຍາດໜັກໃນຄອບຄົວທີ່ມີລາຍໄດ້ຕ່ຳເຂົ້າໃນຂອບເຂດຜູ້ຖືກຮັບປະກັນຊີວິດຕ່ຳສຸດ. ຕໍ່ຄົນຕົກງານທີ່ບໍ່ມີການປະກັນໄພເຊັ່ນ: ກຳມະກອນເຄື່ອນຍ້າຍທີ່ບໍ່ສາມາດກັບຄືນໄປເຮັດວຽກຍ້ອນສະພາບພະຍາດໂຄວິດ19 ແລະຜູ້ທີ່ສອດຄ່ອງກັບເງື່ອນໄຂທີ່ມີຄວາມທຸກຍາກດ້ານຊີວິດການເປັນຢູ່ນັ້ນ, ລ້ວນແຕ່ຈະເບີກເງິນອຸດໜູນຊົ່ວຄາວໃນບາດດຽວ, ເພື່ອຊ່ວຍເຫຼືອເຂົາເຈົ້າຜ່ານຜ່າຄວາມຫຍຸ້ງຍາກດ້ານຊີວິດການເປັນຢູ່.
ຄຳເຫັນ
0